ப்ரீமியம்
உத்தராகண்ட் சுரங்க விபத்து முதல் பிரிட்டன் அமைச்சர் பதவி நீக்கம் வரை | செய்தித் தெறிப்புகள் 10 @ நவ.13, 2023

உத்தராகண்ட் சுரங்க விபத்து : 40 பேரை மீட்கும் பணி தீவிரம்: உத்தராகண்ட் மாநிலம் யமுனோத்ரி தேசிய நெடுஞ்சாலையில் சுரங்கம் தோண்டும் பணியின்போது விபத்து ஏற்பட்டு, சுரங்கப்பாதை இடிந்து விழுந்ததில் 40 தொழிலாளர்கள் உள்ளே சிக்கிக் கொண்ட நிலையில், திங்கள்கிழமை மாலை வரை 21 மீட்டர் அளவுக்கு இடிபாடுகள் அகற்றப்பட்டுள்ளன என தேசிய நெடுஞ்சாலைகள் மற்றும் உள்கட்டமைப்பு மேம்பாட்டு கழகம் தெரிவித்துள்ளது.

முன்னதாக காலையில் இது குறித்து மீட்புக் குழு தரப்பில் கூறும்போது, "தொழிலாளர்கள் பத்திரமாக இருக்கின்றனர். வாக்கி டாக்கி மூலம் அவர்களுடன் தொடர்பு ஏற்படுத்தப்பட்டுள்ளது. அவர்களுக்கு உணவுப் பொட்டலங்கள் வழங்கப்பட்டுள்ளன. கம்ப்ரஸர் மூலம் அவை வழங்கப்பட்டுள்ளன. தொடர்ந்து ட்ரில்லிங் பணி நடைபெறுகிறது" என்று தெரிவித்திருந்தனர்.