நாட்டின் 59-வது குடியரசு தினம்: உரையில் சொதப்பிய உ.பி. அமைச்சர்

நாடு முழுவதும் இன்று (ஜன.26) 69-வது குடியரசு தின விழா உற்சாகமாகக் கொண்டாடப்பட்டு வருகிறது. இந்நிலையில், உத்தரப் பிரதேசத்தில் குடியரசுத் தினத்தை முன்னிட்டு சிறப்புரையாற்றிய அம்மாநில அடிப்படை மற்றும் உயர் கல்வி இணை அமைச்சர் சந்தீப் சிங் 59-வது குடியரசு தினம் எனக் கூறி சொதப்பினார்.

அலிகாரில் இன்று நடந்த குடியரசு தின விழாவில் அவர் சிறப்பு விருந்தினராக கலந்து கொண்டிருந்தார். விழாவில் அவர் பேசும்போது, "இன்று நாம் நமது நாட்டின் 59-வது குடியரசு தின விழாவை கொண்டாடுகிறோம்" எனக் கூறினார்.

லேசான சலசலப்பு ஏற்பட்ட நிலையில் தனது உரையைத் திருத்தி 69-வது குடியரசு தினம் எனக் குறிப்பிட்டார். உத்தரப் பிரதேசத்தின் அட்ரோலி தொகுதியைச் சேர்ந்த எம்.எல்.ஏ., இவர்.

அமைச்சர் ஒருவரே குடியரசு தின விழா குறித்த தகவலை குழப்பத்தில் கூறியதால் கூட்டத்தில் இருந்தவர்கள் சலசலத்தனர்.