காஷ்மீர் என்கவுன்ட்டரில் 2 தீவிரவாதிகள் சுட்டுக்கொலை

தெற்கு காஷ்மீரின் அனந்த்நாக் மாவட்டத்தில் பாதுகாப்புப் படையினர் நடத்திய என்கவுன்ட்டரில் 2 தீவிரவாதிகள் கொல்லப்பட்டனர்.

இந்த சம்பவம் செவ்வாய்க்கிழமை காலையில் நடந்துள்ளது.

இதுகுறித்து காவல் அதிகாரி ஒருவர் கூறும்போது, "அனந்த்நாக் மாவட்டத்தின் லார்னூ பகுதியில் கிளர்ச்சியாளர்களுக்கு எதிராக நடத்தப்பட்ட தாக்குதலில் 2 தீவிரவாதிகள் இதுவரை கொல்லப்பட்டுள்ளனர்.

அத்துடன் தாக்குதல் நடைபெற்ற இடத்தைத் தற்போது பாதுகாப்புப் படையினர் சுற்றி வளைத்துள்ளனர். அங்கு மறைந்துள்ள தீவிரவாதிகளைப் பிடிக்கும் முயற்சிகள் மேற்கொள்ளப்பட்டு வருகின்றன.

கொல்லப்பட்ட தீவிரவாதிகள் குறித்த விவரங்கள் இன்னும் கண்டறியப்படவில்லை" என்று தெரிவித்துள்ளார்.