திருப்பதியில் கடத்தப்பட்ட சென்னை குழந்தை 10 மணி நேரத்தில் மீட்பு

திருப்பதி: சென்னை புரசைவாக்கத்தை சேர்ந்தவர் சந்திரசேகர். இவர் தனது மனைவி மீனா, 8 மற்றும் 2 வயது குழந்தைகளுடன் கடந்த ஞாயிற்றுக்கிழமை சுவாமி தரிசனம் செய்ய திருப்பதி வந்தார்.

தரிசனம் முடிந்த பின்னர், திங்கட்கிழமை நள்ளிரவு திருப்பதி பேருந்து நிலையத்தில் பேருந்துக்காக காத்திருந்தனர். சில நிமிடங்கள் கழித்து தாய் மீனா கண் விழித்து பார்த்த போது 2 வயது குழந்தையைக் காணவில்லை.

இதுகுறித்து திருப்பதி கிழக்கு போலீஸ் நிலையத்தில்் புகார் செய்தனர். உடனடியாக திருப்பதி எஸ்பி பரமேஸ்வர் ரெட்டி உத்தரவின் பேரில் 4 குழுக்கள் அமைக்கப்பட்டு கண்காணிப்பு கேமராக்களின் உதவியோடு சிறுவனை தேடினர்.

திருப்பதி -காளஹஸ்தி நெடுஞ்சாலையில் உள்ள மாதவமால கிராமத்தில் வசிக்கும் தனம்மாள் என்பவரிடம் குழந்தை இருப்பதாக ரகசிய தகவல் கிடைத்தது.

அதன் பேரில் சம்பவ இடத்திற்கு சென்று குழந்தையை 10 மணி நேரத்தில் மீட்டனர்.