பிரதமர் மோடி மீது மன்மோகன் சிங் குற்றச்சாட்டு

குஜராத்தில் பிரச்சாரம் மேற்கொண்ட பிரதமர் மோடி, “சோமநாதர் கோயிலுக்கு சென்ற ஒருவருக்கு (ராகுல்) அதன் வரலாறு தெரியுமா? சர்தார் படேல் இல்லாவிட்டால் சோமநாதர் கோயில் பிரம்மாண்டமாக கட்டப்பட்டிருக்க மாட்டாது. இந்தக் கோயில் கட்டுவதை நாட்டின் முதல் பிரதமர் ஜவஹர்லால் நேரு விரும்பவில்லை” என்றார்.

இதற்கு பதிலடியாக முன்னாள் பிரதமர் மன்மோகன் சிங் நேற்று சூரத்தில் கூறும்போது, “பிரதமர் மோடி, 2 புகழ்பெற்ற தலைவர்களை எதிரிகள் போல அடிக்கடி சித்தரித்து வருகிறார். வாக்காளர்களைக் கவர மோடி கண்ணியமான வேறு வழியைத் தேட வேண்டும்” என்றார்.