50 ஆண்டுகளுக்கு பின்னர் ஜவளகிரி வனப்பகுதியில் இரு புலிகள் நடமாட்டம்

ஓசூர்: ஓசூர் வனக்கோட்டத்துக்கு உட்பட்ட ஜவளகிரி வனப்பகுதியில் 50 ஆண்டுகளுக்குப் பின்னர் 2 புலிகள் இருப்பது தெரிய வந்துள்ளது.

இது தொடர்பாக ஓசூர் வன உயிரின காப்பாளர் கார்த்திகாயினி கூறியதாவது: ஓசூர் வனக்கோட்டம் ஜவளகிரி வனப் பகுதியில் இரு ஆண் புலிகளின் நடமாட்டம் இருப்பது, வனத் துறை சார்பில் பொருத்தப் பட்டுள்ள கண்காணிப்புக் கேமராவில் பதிவாகியுள்ளது. இதில் ஒரு புலிக்கு 5 வயதும், மற்றொரு புலிக்கு 9 வயதும் இருக்கும்.

காவிரி தெற்கு வன உயிரின சரணாலயத்தில் பாதுகாக்கப்பட்ட பகுதியாக ஜவளகிரி வனப் பகுதி உள்ளது. இப்பகுதியில் 50 ஆண்டுகளுக்குப் பின்னர் புலிகளின் நடமாட்டம் இருப்பது முக்கியத்துவம் வாய்ந்ததாகக் கருதப்படு கிறது. இவ்வாறு அவர் கூறினார்.