145 - முசிறி | 145 - முசிறி

2021 தேர்தலில் போட்டியிடும் முக்கிய வேட்பாளர்கள் விபரம்:

வேட்பாளர்கள் பெயர்	கூட்டணி
செல்வராசு	அதிமுக
தியாகராஜன்	திமுக
கே.எஸ்.குமார்	அமமுக
கோகுல்	மக்கள் நீதி மய்யம்
இள.ஸ்ரீதேவி	நாம் தமிழர் கட்சி

திருச்சியிலிருந்து நாமக்கல் செல்லும் வழியில் காவிரிக்கரையோரம் அமைந்திருக்கிறது முசிறி.

தொகுதியில் அடங்கியுள்ள பகுதிகள் :

முழுக்க, முழக்க கிராமப்புறங்களைக் கொண்டுள்ள இத்தொகுதியில் தொட்டியம், முசிறி, தாத்தையங்கார்பேட்டை, மோருபட்டி ஆகிய பேரூராட்சிகளும், பிள்ளபாளையம், கரிகாலி, கார்குடி, வலையெடுப்பு, சேர்குடி, பூலாஞ்சேரி, தும்பலம், சூரம்பட்டி, மாவிலிப்பட்டி, செவந்திலிங்கபுரம், வெள்ளுர், உமையாள்புரம் உள்ளிட்ட கிராமங்களும், அதனை சார்ந்த ஏராளமான கிராமங்களும் அடங்கியுள்ளன.

தொட்டியம் வட்டம்

முசிறி வட்டம் (பகுதி)

பிள்ளபாளையம், கரிகாலி, வடமலைப்பட்டி, கார்குடி, ஊரக்கரை, மகாதேவி, ஐம்புமடை, வாலசிராமணி, அஞ்சலம், கோணப்பம்பட்டி, தேவனூர், ஆராய்ச்சி, வலையெடுப்பு, பையித்தம்பாறை, சேர்குடி, பூலாஞ்சேரி, சூரம்பட்டி, மாவிலிப்பட்டி, தும்பலம், சிட்டிலவை, முத்தம்பட்டி, எம்.புதுப்பட்டி (மேற்கு), எம்.புதுப்பட்டி (கிழக்கு), காமாட்சிப்பட்டி, டி.புத்தூர், மூவேலி, செவந்திலிங்கபுரம், உமையாள்புரம் மற்றும் வெள்ளூர் கிராமங்கள்,

மோருபட்டி (பேரூராட்சி), தாத்தையாங்கார்பேட்டை (பேரூராட்சி) மற்றும் முசிறி (பேரூராட்சி).

தொகுதி பிரச்சினைகள்

விவசாயமே பிரதான தொழிலாக விளங்கும் இத்தொகுதியில் முசிறி, தொட்டியம் பகுதிகளில் உள்ள கிராமங்களுக்கு காவிரி நீர், கடைமடை வரை போய் சேருவதில்லை. இதனால் விவசாயிகளின் வாழ்வாதாரம் பாதிக்கப்பட்டுள்ளது. தாத்தையங்கார்பேட்டை பகுதி விவசாயிகள் கிணற்றுப் பாசனத்தையே நம்பி உள்ளதால், மழை இல்லாத காலங்களில் விவசாயம் செய்ய முடியாத நிலை ஏற்படுகிறது. இவர்களின் வாழ்க்கையை வளம்பெறச் செய்வதற்காக புளியஞ்சோலையிலிருந்து மகாதேவி ஏரி வரையிலான உபரி நீர் கால்வாய் திட்டத்தை தமிழக அரசு நிறைவேற்ற வேண்டும் என்பது இப்பகுதி விவசாயிகளின் நீண்டநாள் கோரிக்கையாக இருந்து வருகிறது.

அத்துடன், முசிறி பகுதியில் விளையும் கோரைப்பயிரை கொண்டு தரமான பாய்கள் தயாரிக்கும் வகையில், பாய் தொழிற்சாலைகளை அரசே தொடங்க வேண்டும். தனிநபர்களுக்கு அதிகளவில் மானியக் கடன் அளித்து வேலைவாய்ப்பை அதிகரிக்க வேண்டும் என்ற கோரிக்கையும் இருந்து வருகிறது. அகண்ட காவிரி ஓடும் இப்பகுதியில், ஆற்றுமணல் கொள்ளை நடைபெறுவதைத் தடுக்க இப்பகுதி மக்கள் நீண்டகாலமாக போராடி வருகின்றனர். மேலும் அடிக்கடி விபத்து ஏற்படுத்தும் மணல் லாரிகளை கட்டுப்படுத்த நடவடிக்கை எடுக்க வேண்டும் எனவும் கோரிக்கை விடுத்து வருகின்றனர்.

இவற்றுடன், காவிரி கரையோரமுள்ள தங்களுக்கு தினமும் பாதுகாக்கப்பட்ட காவிரி குடிநீர் வழங்க வேண்டும், முசிறியில் மகளிர் தொழில்நுட்ப கல்லூரி அமைக்க வேண்டும், தொட்டியத்தில் வாழைப்பழ ஜாம் தொழிற்சாலை அமைக்க வேண்டும், திருச்சி - நாமக்கல் சாலையை நான்கு வழிச்சாலையாக மாற்ற வேண்டும், தாத்தையங்கார்பேட்டை பகுதியில் கைத்தறி தொழில் மேம்பாட்டு தொழற்சாலை அமைத்திட வேண்டும் என்ற கோரிக்கைகளும் நீண்டகாலமாக கிடப்பிலேயே இருப்பதாக இத்தொகுதி மக்கள் வேதனை தெரிவிக்கின்றனர்.

இத்தொகுதியில் 1951-ம் ஆண்டு நடைபெற்ற தேர்தலில் தங்கவேலு என்பவர் சுயேட்சையாக போட்டியிட்டு வெற்றி பெற்றுள்ளார். அதன்பின் இதுவரை நடைபெற்ற தேர்தல்களில் காங்கிரஸ் 2 முறை, திமுக 4 முறை, அதிமுக 7 முறை வெற்றி பெற்றுள்ளது. 2006-ம் ஆண்டு நடைபெற்ற தேர்தலில் இங்கு போட்டியிட்டு வெற்றி பெற்ற திமுகவைச் சேர்ந்த செல்வராஜ் வனத்துறை அமைச்சராக பதவி வகித்தார். கடந்த 2011 சட்டசபைத் தேர்தலில் அதிமுக சார்பில் போட்டியிட்டு வெற்றி பெற்ற என்.ஆர்.சிவபதி, ஜெயலலிதா அமைச்சரவையில் 2 முறை அமைச்சராக சேர்க்கப்பட்டு, பின்னர் சிறிது காலங்களிலேயே நீக்கம் செய்யப்பட்டார் என்பது குறிப்பிடத்தக்கது. 2016-ம் ஆண்டு தேர்தலில் அதிமுக வேட்பாளராக நிறுத்தப்பட்ட எம்.செல்வராசு, திமுக கூட்டணியில் காங்கிரஸ் வேட்பாளராக நிறுத்தப்பட்ட விஜயாபாபுவை தோற்கடித்து வெற்றி பெற்றார்.

2020-ன்படி வாக்காளர்கள் விவரம்:

ஆண்	1,13,195
பெண்	1,18,903
மூன்றாம் பாலினத்தவர்	19
மொத்த வாக்காளர்கள்	2,32,117

2016 தேர்தல் வேட்பாளர்கள் விவரம்

வரிசை எண்	வேட்பாளர்	கட்சி
1	எம். செல்வராசு	அதிமுக
2	எஸ். விஜயா பாபு	காங்கிரஸ்
3	எம். ராஜசேகரன்	தமாகா
4	எஸ். ராகவன்	பாமக
5	கே. ராயதுரை	ஐஜேகே
6	இ. ஆசைத்தம்பி	நாம் தமிழர்

தொகுதி கடந்து வந்த தேர்தல்கள் ( 1951 - 2011 )

ஆண்டு	வெற்றி பெற்றவர்	கட்சி	வாக்குகள்	விழுக்காடு
1951	தங்கவேலு	சுயேச்சை	18427	42.23
1957	வி. எ. முத்தையா	காங்கிரஸ்	34427	21.73
1962	எஸ். இராமலிங்கம்	காங்கிரஸ்	32155	50.79
1967	முத்து செல்வன்	திமுக	32615	51.48
1971	பி. எஸ். முத்து செல்வன்	திமுக	35091	54.29
1977	பி. கோதண்டராமன் என்கிற முசிறி புத்தன்	அதிமுக	34569	39.27
1980	எம். கே. ராசமாணிக்கம்	அதிமுக	53697	52.2
1984	எஸ். இரத்தினவேலு	அதிமுக	65759	59.75
1989	எம். தங்கவேல்	அதிமுக (ஜெ)	49275	39.05
1991	எம். தங்கவேல்	அதிமுக	70812	62.83
1996	எம். என். ஜோதி கண்ணன்	திமுக	67319	51.04
2001	சி. மல்லிகா	அதிமுக	47946	34.83
2006	என். செல்வராசு	திமுக	74311	---
2011	என். ஆர். சிவபதி	அதிமுக	82631	55

ஆண்டு	2ம் இடம் பிடித்தவர்	கட்சி	வாக்குகள்	விழுக்காடு
1951	எம். பி. கிருசுணசாமி	காங்கிரஸ்	16316	37.4
1957	டி. வி. சன்னாசி	காங்கிரஸ்	32844	20.73
1962	எ. துரைராசு	திமுக	27661	43.69
1967	கே. வி. கே. ரெட்டியார்	காங்கிரஸ்	27750	43.8
1971	எ. ஆர். முருகையா	ஸ்தாபன காங்கிரஸ்	24232	37.49
1977	வி. எஸ். பெரியசாமி	திமுக	20567	23.36
1980	ஆர். நடராசன்	திமுக	49171	47.8
1984	ஆர். நடராசன்	திமுக	42086	38.24
1989	என். செல்வராஜ்	திமுக	47826	37.9
1991	ஆர். நடராசன்	திமுக	39568	35.11
1996	மல்லிகா சின்னசாமி	அதிமுக	39551	29.99
2001	எஸ். விவேகானந்தன்	திமுக	45952	33.38
2006	டி. பி. பூனாட்சி	அதிமுக	63384	---
2011	ராஜசேகரன்.என்	காங்கிரஸ்	38840	26

2006 தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	செல்வராஜ்.N	திமுக	74311
2	பூனாட்சி.T.P	அதிமுக	63384
3	ராஜலிங்கம்.M	தேமுதிக	10538
4	விஸ்வநாதன்.S	சுயேச்சை	2037
5	நாகலிங்கம்.C	பாஜக	1723
6	கணேசன்.S	சுயேச்சை	643
7	செந்தில் குமார்.N	சுயேச்சை	557
8	இளங்கோ வள்ளல்.P	சுயேச்சை	533
			153726

2011 - தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	சிவபதி.N.R	அதிமுக	82631
2	ராஜசேகரன்.M	காங்கிரஸ்	38840
3	கண்ணையன்.K	சுயேச்சை	19193
4	ராஜேந்திரன்.SP	பாஜக	2743
5	பன்னிர்செல்வம்.K	இந்திய ஜனநாயக கட்சி	1761
6	பாலகிருஷ்ணன்.M	சுயேச்சை	1655
7	தமிழ்செல்வன்.P	சுயேச்சை	1350
8	நீதி முத்து மனல்.N.M	சுயேச்சை	1086
9	செந்தில்வேல்.P	சுயேச்சை	788
10	குருமூர்த்தி.P	சுயேச்சை	405
11	அப்பாவு.D	சுயேச்சை	356
			150808