190 - சோழவந்தான் (தனி)

2021 தேர்தலில் போட்டியிடும் முக்கிய வேட்பாளர்கள் விபரம்:

உலகப்புகழ் பெற்ற ஜல்லிக்கட்டு போட்டி நடைபெறும் அலங்காநல்லூர், பாலமேடு உள்ளிட்ட பகுதிகளை உள்ளடக்கியது இத்தொகுதி.

2011-ம் ஆண்டு தொகுதி மறுசீரமைப்பின் போது சமயநல்லூர் சட்டமன்ற தொகுதி கலைக்கப்பட்டு அதில் சில பகுதிகளையும், கிழக்கு தொகுதியில் சில பகுதிகளையும் இணைத்து சோழவந்தான் (தனி) தொகுதி உருவாக்கப்பட்டது. அலங்காநல்லூர், வாடிப்பட்டி ஒன்றியங்கள், பேரூராட்சிகள், சோழவந்தான், பாலமேடு பேரூராட்சிகள் இத்தொகுதியில் இடம் பெற்றுள்ளன.

தொகுதியின் பிரச்சினைகள்

தென்னை, நெல், கரும்பு, கொய்யா வெற்றிலை விவசாயம் அதிகளவில் நடைபெறுகிறது. விவசாயிகள், கூலி தொழிலாளர்கள் அதிகளவில் உள்ளனர். ஒருபோக, இருபோக சாகுபடிக்கு பற்றாக்குறையின்றி தண்ணீர் பெறுவது, சோழவந்தானில் வெற்றிலை விவசாய ஆராய்ச்சி மையம் அமைப்பது, கரும்பு விவசாயிகளுக்கு குறிப்பிட்ட காலத்துக்குள் பணப்பட்டுவாடா செய்யப்படாதது, கல்லூரி, தொழிற்பேட்டைகள் இல்லாதது போன்றவை நீண்ட கால பிரச்சனைகளாக உள்ளன. அலங்காநல்லூரில் கூட்டுறவு சர்க்கரை ஆலை, சாத்தையாறு அணை, குட்லாடம்பட்டி அருவி உள்ளிட்ட பகுதியில் உள்ளன.

1962-ம் ஆண்டு முதல் இதுவரை 13 தேர்தல்களை சந்தித்துள்ளது. இதில் இந்திய தேசிய காங்கிரஸ் கட்சி 3 முறையும், தி.மு.க. 4 முறையும், அ.தி.மு.க. 5 முறையும், பார்வர்டு பிளாக் கட்சி ஒருமுறையும் வெற்றி பெற்றுள்ளன. 2006-ம் ஆண்டு சட்டமன்ற தேர்தலில் பி.மூர்த்தி(தி.மு.க.), 2011-ம் ஆண்டு தேர்தலில் எம்.வீ.கருப்பையா (அ.தி.மு.க.), 2016 தேர்தலில் மாணிக்கம் (அதிமுக) வெற்றி பெற்றனர்.

தொகுதியில் அடங்கியுள்ள பகுதிகள் :

• வாடிப்பட்டி தாலுகா
• மதுரை வடக்கு தாலுகா (பகுதி)
• சிறுவாலை, செல்லணக்கவுண்டன்பட்டி, அரியூர், அம்பலத்தாடி, விட்டங்குளம், வைரவநத்தம், வயலூர், சம்பக்குளம், பிள்ளையார்நத்தம், மூலக்குறிச்சி, தோடனேரி, தேனூர், சமயநல்லூர், கள்ளிக்குடி, கீழநெடுங்குளம், பொதும்பு, அதலை, பட்டக்குறிச்சி மற்றும் கோவில்குருந்தன்குளம் கிராமங்கள்.

சட்டமன்ற தொகுதி கடந்து வந்த தேர்தல்கள் ( 1977 - 2016 ) 2016- மாணிக்கம் (அதிமுக), 2011- எம்.வி.கருப்பையா (அதிமுக), 2006- பி.மூர்த்தி (திமுக), 2001- வி.ஆர்.ராஜாங்கம் (அதிமுக), 1996 - எல்.சந்தானம் (திமுக), 1991 - அ.மா.பரமசிவம் (அதிமுக), 1989- டி.ராதாகிருஷ்ணன் (திமுக), 1984- ஏ.சந்திரசேகரன் (இ.தே.கா), 1980- ஏ.சந்திரசேகரன் (இ.தே.கா), 1977- V.பாலகுருவ ரெட்டியார் (அதிமுக),

2016 தேர்தல் ஒரு பார்வை

2016 தேர்தலில் 15 பேர் போட்டியிட்டனர். இதில் கி.மாணிக்கம் (அதிமுக- 87,044, பவானி (திமுக)- 62187, பாண்டியம்மாள் (விடுதலை சிறுத்தைகள்)- 7357, எஸ்.பழனிவேல்சாமி (பாஜக) - 2766, நோட்டா- 1930. 24857 வாக்குகள் வித்தியாசத்தில் கி.மாணிக்கம் வெற்றிப்பெற்றார். சோழவந்தான் தொகுதியில் தற்போது 211054 வாக்காளர்கள் உள்ளனர்.

2020-ன்படி வாக்காளர்கள் விவரம்:

2016 தேர்தல் வேட்பாளர்கள் விவரம்

சட்டமன்ற தொகுதி கடந்து வந்த தேர்தல்கள் ( 1977 - 2011 )

2006 தேர்தல் ஒரு பார்வை

2011 - தேர்தல் ஒரு பார்வை