வேலூர் மக்களவைத் தொகுதி

வட தமிழகத்தின் ஆற்காடு பகுதியின் பண்பாட்டு பதிவுகளை தாங்கி நிற்கும் நகரம் வேலூர். பாலாற்றின் கரையில் வளர்ந்த நாகரீகத்தை பறைச்சாற்றி நிற்கும் வேலூர், சுதந்திர போராட்டத்திலும் முத்திர பதித்த நகரம். பிரிட்டிஷ் அரசுக்கு எதிரான வேலூர் புரட்சி வரலாற்றில் முக்கிய பதிவாக திகழ்கிறது.

அரசியல் ரீதியாகவும் வேலூர் பகுதி முக்கியத்துவம் வாய்ந்தது. காங்கிரஸுக்கு எதிராக திராவிட இயக்கம் வலிமையடைந்தபோது அதில் வேலூர் மிக முக்கிய பகுதியாக விளங்கியது. திராவிட இயக்கத் தலைவர்கள் பலரை தந்த பகுதி வேலூர்.

சமூக ரீதியாக குறிப்பிட்ட சமூக கட்டமைப்பை கொண்டிராமல், பல சமூகங்களும் வாழும் பகுதி இது. இஸ்லாமியர்கள் வாக்குகள் அதிகம் உள்ள தொகுதி என்பதால் முஸ்லிம் லீக் கூட்டணி பலத்துடன் பலமுறை களம் கண்ட தொகுதி இது.

இடம் பெற்றுள்ள சட்டப்பேரவைத் தொகுதிகள்

வேலூர்

வாணியம்பாடி

ஆம்பூர்

அணைக்கட்டு

கே.வி.குப்பம் (எஸ்சி)

குடியாத்தம் (எஸ்சி)

தற்போதைய எம்.பி

செங்குட்டுவன், அதிமுக

2014-ம் ஆண்டு பொதுத் தேர்தல் நிலவரம்

கட்சி	வேட்பாளர்	வாக்குகள்
அதிமுக	செங்குட்டுவன்	383719
பாஜக	ஏ.சி.சண்முகம்	324326
முஸ்லிம் லீக்	அப்துல் ரஹ்மன்	205896
காங்	விஜய் இளஞ்செழியன்	21650

முந்தைய தேர்தல்கள்

ஆண்டு	வென்றவர்	2ம் இடம்
1971	உலகநம்பி, திமுக	மணவாளன், ஸ்தாபன காங்
1977	தண்டாயுதபாணி, ஸ்தாபன காங்	அப்துல்சமது, சுயேச்சை
1980	அப்துல்சமது, சுயேச்சை	தண்டாயுதபாணி, ஜனதா
1984	ஏ.சி.சண்முகம், அதிமுக	ராமலிங்கம், திமுக
1989	அப்துல்சமது, காங்	அப்துல் லத்தீப், திமுக
1991	அக்பர் பாஷா, காங்	சண்முகம், திமுக
1996	சண்முகம், திமுக	அக்பர் பாஷா, காங்
1998	என்.டி.சண்முகம், பாமக	முகமது சாதிக், திமுக
1999	என்.டி. சண்முகம், பாமக	முகமது அசீப், அதிமுக
2004	காதர்முகைதீன், திமுக	சந்தானம், அதிமுக
2009	அப்துல் ரஹ்மான், திமுக	வாசு, அதிமுக