திருச்சி மக்களவைத் தொகுதி

தமிழகத்தின் மையப்பகுதி நகரம் திருச்சி. திருச்சி மாநகராட்சி மற்றும் புறநகர் பகுதிகளுடன், புதுகோட்டை, கந்தவர்கோட்டை தொகுதிகளை இணைத்து உருவாக்கப்பட்டுள்ளது திருச்சி மக்களவை தொகுதி

முதுபெரும் கம்யூனிஸ்ட் தலைவர் கல்யாணசுந்தரம் போட்டியிட்டு வென்ற தொகுதி. அவர் மட்டுமின்றி பல கட்சிகளைச் சேர்ந்த முக்கிய தலைவர்கள் வென்ற தொகுதி. காங்கிரஸ் கட்சியின் அடைக்கலராஜ் நீண்டகாலம் எம்.பி.யாக இருந்த தொகுதி இது.

பாஜகவில் சேர்ந்து மத்திய அமைச்சரான ரங்கராஜன் குமாரமங்கலம் இரண்டு முறை இந்த தொகுதியில் இருந்து தேர்ந்தெடுக்கப்பட்டார். பெருமளவு நகர்புறப்பகுதிகளை கொண்ட இந்த தொகுதியில் பாரத மிகுமின் நிறுவனம் உள்ளிட்ட குறிப்பிடத்தக்க தொழிற்சாலைகளும் அமைந்துள்ளன.

தொழிலாளர்கள் கணிசமாக உள்ள தொகுதி என்பதால் நீண்டகாலமாகவே இடதுசாரிக் கட்சிகள் இங்கு போட்டியிட்டு வென்றுள்ளன. திராவிடக்கட்சிகள் மட்டுமின்றி தேசியக்கட்சிகளான காங்கிரஸ், பாஜக, சிபிஎம்க்கும் சற்று வாக்கு வங்கி உள்ள தொகுதி. இதனால் பல தேர்தல்களில் இந்த தொகுதிகள் கூட்டணியில் தேசியக் கட்சிகளுக்கு ஒதுக்கப்பட்டு வந்துள்ளது.

இடம் பெற்றுள்ள சட்டப்பேரவைத் தொகுதிகள்

திருச்சி மேற்கு

திருச்சி கிழக்கு

ஸ்ரீரங்கம்

திருவெறும்பூர்

புதுக்கோட்டை

கந்தர்வக்கோட்டை

தற்போதைய எம்.பி

பி.குமார், அதிமுக

2014-ம் ஆண்டு பொதுத் தேர்தல் நிலவரம்

கட்சி	வேட்பாளர்	வாக்குகள்
அதிமுக	குமார்	458478
திமுக	அன்பழகன்	308002
தேமுதிக	விஜயகுமார்	94785
காங்கிரஸ்	சாருபாலா தொண்டைமான்	51537
சிபிஎம்	ஸ்ரீதர்	17039

முந்தைய தேர்தல்கள்

ஆண்டு	வென்றவர்	2ம் இடம்
1971	கல்யாணசுந்தரம், சிபிஐ	தங்கவேலு, காங்கிரஸ்
1977	கல்யாணசுந்தரம், சிபிஐ	வெங்கடேச தீட்சிதர், காங்கிரஸ்
1980	செல்வராஜூ, திமுக	டி.கே.ரங்கராஜன், சிபிஎம்
1984	அடைக்கலராஜ், காங்கிரஸ்	செல்வராசு, திமுக
1989	அடைக்கலராஜ், காங்கிரஸ்	டி.கே.ரங்கராஜன், சிபிஎம்
1991	அடைக்கலராஜ், காங்கிரஸ்	டி.கே ரங்கராஜன், சிபிஎம்
1996	அடைக்கலராஜ், தமாகா,	கோபால், காங்கிரஸ்
1998	ரங்கராஜன் குமாரமங்கலம்,	பாஜக அடைக்கலராஜ், தமாகா
2001 இடைத்தேர்தல்	தலித் எழில்மலை, அதிமுக	சுகுமாரன் நம்பியார், பாஜக
2004	எல்.கணேசன், மதிமுக	பரஞ்சோதி, அதிமுக
2009	பி.குமார், அதிமுக	சாருபாலா தொண்டைமான், காங்கிரஸ்