ராமநாதபுரம் மக்களவைத் தொகுதி

ராமநாதபுரம் தொகுதி கடலோரப்பகுதியை கொண்டது. விவசாயத்துக்கு அடுத்தபடியாக மீன்பிடித் தொழில் மிக முக்கிய பங்கு வகிக்கிறது. மண்டபம் மீன்பிடித் துறைமுகம் பொருளாதாரத்திற்கு வலு சேர்க்கிறது. இவற்றை தவிர பரமக்குடியில் நெசவுத்தொழிலும் ஒரளவு பிரபலம்.

இந்த தொகுதியைச் சேர்ந்த பலர் தொழிலுக்காக வெளிநாடுகளுக்கும், வெளி மாநிலங்களுக்கும் செல்வது வாடிக்கை. விவசாய பெருங்குடி மக்களுடன், மீனவ மக்களையும் அதிகமாக கொண்ட தொகுதி இது.

ராமநாதபுரம் மாவட்டத்தின் 4 சட்டப்பேரவைத் தொகுதிகளுடன், விருதுநகர் மாவட்டத்தின் திருச்சுழியும், புதுக்கோட்டை மாவட்டத்தின் அறந்தாங்கியும் இணைந்துள்ளது ராமநாதபுரம் மக்களவை தொகுதி.

80களுக்கு முன்பாக காங்கிரஸ் பாரம்பரியமாக போட்டியிட்டு வென்ற இந்த தொகுதியில் அதன் பிறகு அதிமுக, திமுக இடையே தான் நேரடி போட்டி நிலவியுள்ளது. ஓரிரு முறை கூட்டணி பலத்துடன் காங்கிரஸும், தமாகாவும் வென்றுள்ளன.

எனினும் பாரம்பரியமாக திராவிட கட்சிகளின் செல்வாக்கு கொண்ட தொகுதி இது. தொடக்க காலத்தில் பார்வர்டு பிளாக் கட்சிக்கும் வாக்கு வங்கி இருந்த தொகுதி இது.

இடம் பெற்றுள்ள சட்டப்பேரவைத் தொகுதிகள்

ராமநாதபுரம்

முதுகுளத்தூர்

பரமக்குடி (எஸ்சி)

திருவாடனை

அறந்தாங்கி

திருச்சுழி

தற்போதைய எம்.பி

அன்வர் ராஜா, அதிமுக

2014-ம் ஆண்டு பொதுத் தேர்தல் நிலவரம்

கட்சி	வேட்பாளர்	வாக்குகள்
அதிமுக	அன்வர் ராஜா	405945
திமுக	முகமது ஜலீல்	286621
பாஜக	குப்புராமு	171082
காங்கிரஸ்	திருநாவுக்கரசர்	62160
சிபிஐ	உமா மகேஸ்வரி	12312

முந்தைய தேர்தல்கள்

ஆண்டு	வென்றவர்	2ம் இடம்
1980	சத்தியேந்திரன், திமுக	அன்பழகன், ஏடிகே
1984	ராஜேஸ்வரன், காங்கிரஸ்	சத்தியேந்திரன், திமுக
1989	ராஜேஸ்வரன், காங்கிரஸ்	சுப.தங்கவேலன், திமுக
1991	ராஜேஸ்வரன், காங்கிரஸ்	கலந்தர் பாட்சா, திமுக
1996	உடையப்பன், தமாகா	ராஜேஸ்வரன், காங்கிரஸ்
1998	சத்தியமூர்த்தி, அதிமுக	உடையப்பன், தமாகா
1999	மலைச்சாமி, அதிமுக	பவானி ராஜேந்திரன், திமுக
2004	பவானி ராஜேந்திரன், திமுக	முருகேசன், அதிமுக
2009	ரித்தீஷ், திமுக	சத்தியமூர்த்தி, அதிமுக