46 - குடியாத்தம் (தனி )

வேலூர் மாவட்டத்தில் உள்ள 13 சட்டப்பேரவை தொகுதியில் மிகவும் பழமையான தொகுதியில் குடியாத்தம் முக்கியமானது. 1952 முதல் தேர்தலை சந்திக்கிறது. ஆங்கிலேயர்களிடம் இருந்து நாடு சுதந்திரம் அடைந்தபோது டெல்லி செங்கோட்டையில் ஏற்றப்பட்ட முதல் இந்திய தேசிய கொடியை தயாரித்தது குடியாத்தம் நகரில்தான். கல்விக் கண் திறந்த காமராஜரை இடைத் தேர்தலில் வெற்றிபெற வைத்து முதலமைச்சராக்கி அழகு பார்த்த தொகுதி என்ற பெருமைக்குரியது.

சர்வதேச ஏற்றுமதி தரம் வாய்ந்த குடியாத்தம் கைத்தறி லுங்கி உற்பத்தியால் கணிசமான அன்னிய செலாவணி கிடைக்கிறது. 700-க்கும் மேற்பட்ட குறு, சிறு தீப்பெட்டி தொழிற்சாலைகளால் குட்டி சிவகாசி என்ற அடைமொழியுடன் பீடி தொழிலாளர்கள், விவசாய தொழிலாளர்கள் நிறைந்த தொகுதியாக இருக்கிறது.

தொகுதி மறு சீரமைப்புக்குப் பிறகு பேரணம்பட்டு தொகுதி கலைக்கப்பட்டு குடியாத்தம் (தனி) தொகுதியாக உருவாக்கப்பட்டது. குடியாத்தம் ஒன்றியத்தின் பெரும்பகுதி புதிதாக உருவாக்கப்பட்ட கே.வி.குப்பம் (தனி) தொகுதியுடன் இணைக்கப்பட்டது. தற்போது, குடியாத்தம் மற்றும் பேரணாம்பட்டு நகராட்சி, குடியாத்தம் ஒன்றியத்தில் 13 கிராம ஊராட்சி, பேரணாம்பட்டு ஒன்றியத்தில் 34 கிராம ஊராட்சி, மாதனூர் ஒன்றியத்தில் ஒரு ஊராட்சி இணைக்கப்பட்டுள்ளது.

தொகுதி மக்களின் நீண்ட நாள் கோரிக்கையாக இருப்பது பின்தங்கிய பேரணாம்பட்டு பகுதியில் அரசு கல்லூரி, பாலிடெக்னிக் அல்லது தொழிற் பயிற்சி நிலையம் தொடங்க வேண்டும். போக்குவரத்து நெரிசலில் திணறும் குடியாத்தம் நகருக்கு புறவழிச்சாலை, பேரணம்பட்டு மற்றும் குடியாத்தம் நகரில் இருந்து இரவு நேரத்தில் ஒரு மணி நேரத்து ஒரு பேருந்து சேவை.

பேரணாம்பட்டு பேருந்து நிலையம், நலிந்துவரும் கைத்தறி, தீப்பெட்டி, பீடி தொழிலாளர்களுக்கு மாற்று வாழ்வாதாரம், இஎஸ்ஐ மருத்துவமனை, ஆந்திர வனப்பகுதியில் இருந்து யானைகள் நடமாட்டத்தைத் தடுக்க அகழி வெட்டுவது, ஆந்திர மாநிலம் கடப்பநத்தத்தை இணைக்க வனப்பகுதியில் சாலை அமைக்க வேண்டும்.

தொகுதி சீரமைப்புக்குப் பிறகு நடந்த முதல் தேர்தலில் முதல் எம்எல்ஏவாக இந்திய கம்யூனிஸ்ட் கட்சியின் கு.லிங்கமுத்து வெற்றிபெற்றார். 1952-ல் நடந்த முதல் தேர்தலில் இரட்டை தொகுதியாக இருந்தது. அப்போது, காங்கிரஸ் கட்சியைச் சேர்ந்த ஏ.ஜெ.அருணாச்சல முதலியார், ஏ.எம்.ரத்தினசாமி ஆகியோர் வெற்றிபெற்றனர். காமராஜர் முதலமைச்சர் ஆக வேண்டிய கட்டாயம் ஏற்பட்டதால் அருணாச்சல முதலியார் தனது பதவியை ராஜினாமா செய்தார். இரட்டை தொகுதியில் ஒருவர் பதவியை ராஜினாமா செய்தால் மற்றொரு உறுப்பினர் பதவியும் தானாக ரத்தாகிவிடும் என்ற விதியால் ரத்தினசாமியின் பதவியும் பறிபோனது.

இதையடுத்து 1954-ல் நடந்த இடைத் தேர்தலில் இரட்டை வாக்குரிமை அடிப்படையில் காமராஜர், டி.மணவாளன் ஆகியோர் வெற்றிபெற்றனர். காமராஜர் முதலமைச்சரானார். 1957-ல் நடந்த இரட்டைத் தொகுதி தேர்வில் இந்திய கம்யூனிஸ் கட்சியின் வி.கே.கோதண்டராமன், காங்கிரஸ் கட்சியைச் சேர்ந்த டி.மணவாளன் ஆகியோர் தேர்வு செய்யப்பட்டனர்.

ஒரு இடைத் தேர்தல் மற்றும் 2 முறை இரட்டை உறுப்பினரை தேர்வு செய்யும் தேர்தல் என்ற அடையில் 15 தேர்தல்களை குடியாத்தம் தொகுதி சந்தித்துள்ளது. காங்கிரஸ் 6, மார்க்சிஸ்ட் கம்யூனிஸ்ட் 5, இந்திய கம்யூனிஸ்ட் 2, திமுக 2, அதிமுக ஒரு முறை வெற்றிபெற்றுள்ளன

2016 தேர்தலில் களம் காணும் வேட்பாளர்கள் விவரம்

தொகுதியில் அடங்கியுள்ள பகுதிகள்

குடியாத்தம் வட்டம் (பகுதி)

அரவட்லா, மோர்தானா, ரங்கம்பேட்டை, குண்டலபள்ளி, பத்தலபள்ளி, எருக்கம்பட்டு, ஏரிகுத்தி, சேம்பள்ளி, கத்தாரிகுப்பம், மூங்கப்பட்டு, பெரும்பாடி, அக்ரஹாரம், ரெங்கசமுத்திரம், எர்தாங்கல், மொரசபள்ளி, தொட்டிதுரை மோட்டூர், பேர்ணாம்பட்டு, கொத்தபள்ளி, சின்னதாமல்செருவு, மசிகம், சாரக்கல், கெம்பசமுத்திரம், பல்லாளகுப்பம், புகலூர், பரவக்கல், பங்கரிஷிகுப்பம், கொத்தமாரிகுப்பம், கருகூர், வசனம்பள்ளி, பாலூர், மாச்சம்பட்டு, மேல்கொத்தகுப்பம், ராஜக்கல், ரெட்டிமாங்குப்பம், சிக்கரிஷிகுப்பம், செண்டத்தூர், மேல்முருங்கை, அழிஞ்சிகுப்பம், மேல்வைட்த்ஹியணான்குப்பம், மேம்பட்டி, கீழ்பட்டி, குளித்திகை, சின்னதொட்டாளம், வளத்தூர், கருணீகசமுத்திரம் ,பரதராமி மற்றும் உள்ளி கிராமங்கள்,

பேர்ணாம்பட்டு (பேரூராட்சி), குடியாத்தம், (நகராட்சி), மற்றும் சீவூர் (சென்சஸ் டவுன்),

வாணியம்பாடி வட்டம் (பகுதி)

பைரபள்ளி, கைலாசகிரி, நரியம்பட்டு, சாத்தம்பாக்கம், கோமேஸ்வரம், சோமலாபுரம், பாவரவுதாம்பட்டடை, அய்யத்தம்பட்டு, சின்னவரிகம், தேவலாபுரம், லப்பைமாங்குப்பம் மற்றும் பெரியவரிகம் கிராமங்கள்,

29/04/2016-ன்படி வாக்காளர்கள் விவரம்:

தொகுதி கடந்து வந்த தேர்தல்கள்

2016 சட்டப் பேரவை தேர்தல்- வாக்கு விவரங்கள்