139 - ஸ்ரீரங்கம்

திருச்சி மாவட்டத்தில் உள்ள 9 தொகுதிகளில் ஸ்ரீரங்கம் சட்டப்பேரவைத் தொகுதி முக்கியத்துவம் வாய்ந்த தொகுதியாக கருதப்படுகிறது. கடந்த சட்டப்பேரவைத் தேர்தலில் அதிமுக பொதுச் செயலாளரும், தற்போதைய முதல்வருமான ஜெ ஜெயலலிதா போட்டியிட்டு, வெற்றி பெற்று முதல்வராக பொறுப்பேற்றதால் இந்த தொகுதி முதல்வரின் தொகுதியாக விளங்கியது.

பூலோக வைகுண்டம் என்றும், 108 வைணவ திவ்ய தேச தலங்களில் முதன்மையான தலமாகவும் விளங்குவது ஸ்ரீரங்கம் அருள்மிகு ரெங்கநாதசுவாமி திருக்கோயில். நாட்டின் பல்வேறு மாநிலங்களிலிருந்தும் இங்கு பக்தர்கள் தினந்தோறும் வந்து செல்கின்றனர்.

திருச்சி மாநகராட்சியின் 6 வார்டுகள் மட்டுமே மாநகரப் பகுதியாகவும், மற்ற பகுதிகள் ஊரகப் பகுதிகளாகவே உள்ளன.

இந்த தொகுதியில் முத்துராஜா, தலி மற்றும் உடையார் சமூகத்தினர் பெருமளவில் உள்ளனர். இவர்கள் தவிர பிராமணர்கள், நாயுடு, பிள்ளைமார், கோனார் ஆகிய சமூகத்தினர் கணிசமான அளவுக்கு உள்ளனர்.

இந்த தொகுதி 4 ஆண்டுகள் முதல்வர் தொகுதியாக இருந்ததால் புதிய காகிதத் தொழிற்சாலை, ஆசியாவிலேயே மிகப்பெரிய வண்ணத்துப்பூச்சி பூங்கா, ஒரே நேரத்தில் 1,000 பேர் தங்கக் கூடிய யாத்ரிகர் நிவாஸ் என பல்வேறு வளர்ச்சித் திட்டங்கள் ரூ.3,000 கோடி அளவுக்கு இந்த தொகுதியில் நிறைவேற்றப்பட்டுள்ளன.

ஆனால், பல ஆண்டுகளாக நிலுவையில் உள்ள, கடந்த 2011 சட்டப்பேரவைத் தேர்தலில் வெற்றி பெற்றால் தீர்க்கப்படும் என ஜெயலலிதாவால் வாக்குறுதி அளிக்கப்பட்ட ஸ்ரீரங்கம் அடிமனை பிரச்சினை 5 ஆண்டுகளாகியும் தீர்க்கப்படாதது இந்த தொகுதியின் முக்கிய பிரச்சினையாகும்.

2011-ம் ஆண்டு சட்டப்பேரவைத் தேர்தலில் தேர்ந்தெடுக்கப்பட்ட ஜெயலலிதா சொத்துக் குவிப்பு வழக்கில் தண்டனை வழங்கப்பட்டதால், இந்த தொகுதியில் 2015 பிப்ரவரி மாதம் நடைபெற்ற இடைத் தேர்தலில் அதிமுக வேட்பாளர் எஸ். வளர்மதி வெற்றி பெற்றார். இவரை எதிர்த்துப் போட்டியிட்ட திமுகவைச் சேர்ந்த ஆனந்த் தோல்வியை தழுவினார்.

இந்த தொகுதி ஸ்ரீரங்கம், அந்தநல்லூர், மணிகண்டம், மணப்பாறை உள்ளிட்ட ஒன்றியப் பகுதிகள் அடங்கியுள்ளன.

இந்த தொகுதியில் ஜன.20-ம் தேதி வெளியிடப்பட்ட வாக்காளர் இறுதிப் பட்டியலின்படி 1,37,331 ஆண்கள், 1,43,713 பெண்கள், 19 இதரர் என மொத்தம் 2,81,063 வாக்காளர்கள் உள்ளனர். திருச்சி மாவட்டத்தில் உள்ள 9 சட்டப்பேரவைத் தொகுதிகளில் அதிக வாக்காளர்கள் உள்ள தொகுதி ஸ்ரீரங்கம் என்பது குறிப்பிடத்தக்கது.

மணிகண்டம், அந்தநல்லூர் பகுதியில் ஒருங்கிணைந்த பூ வணிக வளாகம், திருவானைக்கா பகுதியில் மதுரை - சென்னை தேசிய நெடுஞ்சாலையில் சுரங்கப் பாதை உள்ளிட்ட பல்வேறு கோரிக்கைகள் இன்றும் நிலுவையில் உள்ளன.

2016 தேர்தலில் களம் காணும் வேட்பாளர்கள் விவரம்

வரிசை எண்	வேட்பாளர்	கட்சி
1	எஸ். வளர்மதி	அதிமுக
2	எம். பழனியாண்டி	திமுக
3	வி. புஷ்பம்	இந்திய கம்யூ.
4	எஸ். உமாமகேஸ்வரி	பாமக
5	ஏ. ராஜேஷ்குமார்	பாஜக
6	வி. ராஜமாணிக்கம்	நாம் தமிழர்

தொகுதியில் அடங்கியுள்ள பகுதிகள் :

திருச்சிராப்பள்ளி (மாநகராட்சி)

வார்டு எண். 1 முதல் 6 வரை.

திருவரங்கம் வட்டம் (பகுதி)

பனையபுரம், உத்தமசேரி, கிளிக்கூடு, மல்லியம்பத்து, சோமரசம்பேட்டை, குமாரவயலூர், முள்ளிக்கரும்பூர், கோப்பு (வடக்கு), கோப்பு (தெற்கு), போதாவூர், புலியூர், அதவத்தூர் (மேற்கு), அதவத்தூர் (கிழக்கு), நாச்சிக்குறிச்சி, சோழங்கநல்லூர், கே.கள்ளிக்குடி (வடக்கு) கே.கள்ளிக்குடி (தெற்கு), தாயனூர், நாவலூர் கொட்டப்பட்டு, அரியாவூர்-உக்கடை அரியாவூர், பெரியநாயகி சத்திரம், அம்மாப்பேட்டை, கொளத்தூர், மாத்தூர், சேதுராப்பட்டி, அளுந்தூர், பாகனூர், நாகமங்கலம், கொட்டப்பட்டு, மேக்குடி, முடிகண்டம், கொழுக்கட்டைக்குடி, தொரக்குடி,திருமலைசமுத்திரம், ஓலையூர், பழூர், முத்தரசநல்லூர், கம்பரசம்பேட்டை, மருதன்காகுறிச்சி, பேட்டவாய்த்தலை, பெருகமணி, திருப்பராய் துறை, அந்தநல்லூர், கொடியாலம், குலுமணி, பெரியகருப்பூர், திருச்செந்துறை, கடியாக்குறிச்சி, மேக்குடி, அல்லூர் மற்றும் பேரூர் கிராமங்கள்,

சிறுகமணி (பேரூராட்சி),

மணப்பாறை வட்டம் (பகுதி)

தொப்பம்பட்டி, மொண்டிப்பட்டி, கே.பெரியப்பட்டி (வடக்கு), இடையப்பட்டி, செட்டிச்சத்திரம்,, சித்தாநத்தம், கே.பெரியப்பட்டி (தெற்கு), சமுத்திரம், சத்திரப்பட்டி, கண்ணுடையான்பட்டி, கலிங்கப்பட்டி மற்றும் மாதம்பட்டி கிராமங்கள்.

இலுப்பூர் வட்டம் (பகுதி) புதுக்கோட்டை மாவட்டம் கோமங்கலம் கிராமம் கோமங்கலம் கிராமம் புதுக்கோட்டை மாவட்ட நிர்வாகத்தின் கீழ்வந்தாலும், கன மற்றும் பூகோள ரீதியாக 139 ஸ்ரீரங்கம் சட்டமன்ற தொகுதியின் எல்லைப் பரப்பிற்குள் வருகிறது

29/04/2016-ன்படி வாக்காளர்கள் விவரம்:

ஆண்	1,37,626
பெண்	1,45,646
மூன்றாம் பாலினத்தவர்	22
மொத்த வாக்காளர்கள்	2,83,294

2016 சட்டப் பேரவை தேர்தல்- வாக்கு விவரங்கள்

ஸ்ரீரங்கம் சட்டமன்ற தொகுதி கடந்து வந்த தேர்தல்கள் ( 1951 - 2015 )

ஆண்டு	வெற்றி பெற்றவர்	கட்சி	வாக்குள்	விழுக்கடு
1951	சிற்றம்பலம்	இந்திய பொதுவுடமைக் கட்சி	25343	52.6
1957	கே. வாசுதேவன்	காங்கிரஸ்	22756	48.92
1962	என். சுப்பிரமணியன் செட்டியார்	காங்கிரஸ்	39101	54.76
1967	எசு. இராமலிங்கம்	காங்கிரஸ்	34474	50.48
1971	ஜோதி வெங்கடாசலம்	ஸ்தாபன காங்கிரஸ்	36172	51.22
1977	ஆர். சவுந்தரராசன்	அதிமுக	26200	31.31
1980	ஆர். சவுந்தரராசன்	அதிமுக	49160	53.48
1984	ஆர். சவுந்தரராசன்	அதிமுக	58861	56.52
1989	ஒய். வெங்கடேசுவர தீட்சிதர்	ஜனதா கட்சி	42629	35
1991	ப. கிருசுணன்	அதிமுக	82462	70.51
1996	டி. பி. மாயவன்	திமுக	73371	55.74
2001	கே. கே. பாலசுப்பிரமணியன்	அதிமுக	72993	53.07
2006	எம். பரஞ்சோதி	அதிமுக	89135	---
2011	ஜெ. ஜெயலலிதா *	அதிமுக	1,05,328	---
இடைத் தேர்தல், 2015	எஸ். வளர்மதி	அதிமுக	1,51,561	---

ஆண்டு	2ம் இடம் பிடித்தவர்	கட்சி	வாக்குகள்	விழுக்காடு
1951	சீனிவாசன்	காங்கிரஸ்	17364	36.04
1957	சிற்றம்பலம்	சுயேச்சை	6847	14.72
1962	டி. ஓரைசாமி	திமுக	24651	34.52
1967	எம். அருணா	திமுக	33356	48.84
1971	ஆர். காமாட்சியம்மாள்	திமுக	33239	47.07
1977	எம். தர்மலிங்கம்	திமுக	21135	25.26
1980	வி. சுவாமிநாதன்	காங்கிரஸ்	42761	46.52
1984	சி. இராமசாமி உடையார்	ஜனதா கட்சி	38399	36.87
1989	கு. ப. கிருசுணன்	அதிமுக (ஜெ)	34621	28.43
1991	ஆர். செயபாலன்	ஜனதா தளம்	30918	26.44
1996	எம். பரஞ்சோதி	அதிமுக	43512	33.06
2001	எம். சவுந்திரபாண்டியன்	பாஜக	60317	43.86
2006	ஜி. ஜெரோம் ஆரோக்கியராசு	காங்கிரஸ்	78213	---
2011	என். ஆனந்த்	திமுக	63840	---
இடைத் தேர்தல், 2015	என். ஆனந்த்	திமுக	55045	---

2006 தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	பரஞ்சோதி.M	அதிமுக	89135
2	ஜெரோம் ஆரோக்கியராஜ்.G	காங்கிரஸ்	78213
3	ரமேஷ்.A	தேமுதிக	16522
4	பார்த்திபன்.P	பாஜக	4878
5	மெய்யநாதன்.K	சுயேச்சை	1503
6	ரவிசங்கர் ஜயர்.N	ஹிந்து மகாசபா	554
7	தலித் இளையமாரன் (அ) பழனிவேல்	சுயேச்சை	522
8	பெரியசாமி.A	பி எஸ் பி	505
9	முனியப்பன்.K	சுயேச்சை	380
10	ரவி.P	சுயேச்சை	330
11	மகாலட்சுமி.M	அனைத்திந்திய பார்வார்டு பிளாக்கு	319
12	வேலுசாமி.S	சமாஜ்வாதி கட்சி	318
13	மரியா ரூஸ்வெல்.T.M	சுயேச்சை	241
14	சின்னதுரை.M.P	சுயேச்சை	225
15	தங்கவேல்.S	சுயேச்சை	196
			193841

2011 - தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	ஜெ.ஜெயலலிதா	அதிமுக	105328
2	ஆனந்த்.N	திமுக	63480
3	அறிவழகன்.K.A.S	பாஜக	2017
4	தமிழரசி.V	இந்திய ஜனநாயக கட்சி	1221
5	நடராஜன்.S	பி எஸ் பி	928
6	ரவிசங்கர் ஜயர்.N	ஹிந்து மகாசபா	738
7	ரவி.P	சுயேச்சை	684
8	சோழன்.K	சுயேச்சை	566
9	ரெங்கராஜ்.P	சுயேச்சை	461
10	ரமேஷ்.M	சுயேச்சை	436
11	சேது.S	சுயேச்சை	364
12	சண்முகம்.R.R	சுயேச்சை	359
13	ஸ்ரீ ராமசந்திரன்	சுயேச்சை	271
14	செல்வம்.M	சுயேச்சை	236
15	வெற்றிசெல்வம்	சுயேச்சை	225
16	முதியன்.C	சுயேச்சை	212
17	கல்யாணசுந்தரம்.K.A	சுயேச்சை	174
18	ராதா	சுயேச்சை	166
19	கோவிந்தராஜன்.J	சுயேச்சை	161
20	ராம ராஜேந்திரன்	சுயேச்சை	156
21	காமராஜ்.K	சுயேச்சை	128
22	அய்யாவு.S	சுயேச்சை	128
23	ஜெயராமன்.V	சுயேச்சை	108
			178547