147 - பெரம்பலூர் (தனி)

மாநிலத்தில் மிகக்குறைவான மக்கள் தொகை கொண்ட மாவட்டம் பெரம்பலூர். 1995ல் திருச்சியிலிருந்து தனிக்குடித்தனம் பெற்று பெரம்பலூர் மாவட்டம் உதயமானது. மறுசீரமைப்பின் கீழ் பெரம்பலூர்(தனி) மற்றும் அரியலூர் வருவாய் மாவட்டத்தின் பகுதியளவை அடக்கிய குன்னம் என, ஒன்றரை சட்டமன்ற தொகுதிகள் பெரம்பலூர் மாவட்டத்தில் உண்டு. இந்த வகையில் மாவட்டத்தின் முழுமையான ஒரே சட்டமன்ற தொகுதி பெரம்பலூர்(தனி).

பெரம்பலூர், வேப்பந்தட்டை, குன்னம்(பகுதியளவு) ஆகிய வட்டங்களை உள்ளடக்கிய இத்தொகுதியில், கணிசமான தலித் மக்கள் தவிர்த்து பரவலான இதர சமூக மக்களும், இஸ்லாமிய மக்களும் உள்ளனர். விவசாயம் பிரதான தொழில். சின்ன வெங்காயம், மக்காச்சோளம், பருத்தி போன்றவற்றில் மாநில அளவில் முதல் வரிசையில் இடம் பிடித்திருக்கிறது. கல் குவாரிகளால் அதிகளவில் கனிமம் வேட்டையாடப்படும் தொகுதி. தொல்லியல் துறை பராமரிப்பில் இருக்கும் ரஞ்சன்குடி கோட்டை தொகுதியின் வரலாற்று சிறப்பு. வேப்பந்தட்டை வட்டத்தில் இயற்கை எழில் கொஞ்சும் மலைச்சாரலும், நீர்வீழ்ச்சிகளும் உண்டு. அண்மைய சிறப்பு விசுவக்குடி அணை. எம்.ஆர்.எஃப் தனியார் தொழிற்சாலையும் உண்டு. ஜவுளிப்பூங்கா, ஆவின் பால் பண்ணை ஆகியவை உருவாகி வருகின்றன.

பல தேர்தல் வாக்குறுதிகளுக்கு பிறகும் தமிழகத்தில் ரயில் பாதை இல்லாத குறை பெரம்பலூர் மக்களுக்கு உண்டு. பிரதான தேசிய நெடுஞ்சாலையில் அமைந்திருப்பது இந்தக் குறையை ஓரளவு ஈடேற்றுகிறது. விவசாயத்திற்கும், குடிநீருக்குமாக தண்ணீர் தேவை பற்றாக்குறை நிலவுகிறது. அண்மையில் திறப்பு விழா கண்ட விசுவக்குடி வரிசையில், சின்னமுட்லு நீர்த்தேக்கத்தை பகுதி விவசாயிகள் அதிகம் எதிர்பார்க்கின்றனர். தனியார் கல்வி நிலையங்கள் ஏராளம். கல் குவாரிகளால் நிலத்தடி நீர்மட்ட பாதிப்பு, கனிம சுரண்டல் என எதிர்காலத்திற்கான அச்சுறுத்தல்கள் அதிகம். பெருமளவில் கிராமங்களை உள்ளடக்கிய தொகுதியில் உள் கட்டமைப்பு வசதிகள் மேம்படுத்தப்பட வேண்டும். மேலும் அதிக எண்ணிக்கையில் இருக்கும் தலித் மக்களின் மேம்பாட்டிற்கான சிறப்பு திட்டங்கள் இங்கே குவியம் பெற வேண்டும். காங்கிரஸ் 2 முறையும், சுயேட்சை மற்றும் சிபிஐ தலா 1 முறையும் வென்றது போக திமுக-6, அதிமுக-4 என சட்டமன்ற பிரதிநிதிகளை அரசியல் கட்சிகள் அனுப்பியுள்ளன. அதிலும் கடந்த கால் நூற்றாண்டாக தமிழகத்தை ஆளும் கட்சிக்கான பிரதிநிதிகளே இங்கே மாறிமாறி தேர்வாகிறார்கள்.

இந்த வகையில் தற்போதைய எம்.எல்.ஏவான இரா.தமிழ்செல்வன் மக்களின் எதிர்பார்ப்புகளை நிறைவேற்றுவதில் தடுமாறி இருக்கிறார். இளைஞரான இவரது செயல்பாடுகளால் தமிழக அமைச்சரவை இசை நாற்காலியில், அமைச்சர் பிரதிநிதித்துவத்தை பெரம்பலூர் இழந்துள்ளது. ஆனால் இந்த இழப்புகளை பெரம்பலூரின் முன்னாள் ஆட்சியரான தரேஸ் அஹமது போன்ற அதிகாரிகளே ஓரளவு சமன் செய்திருக்கார்கள்.

2016 தேர்தலில் களம் காணும் வேட்பாளர்கள் விவரம்

வரிசை எண்	வேட்பாளர்	கட்சி
1	ரா.தமிழ்ச்செல்வன்	அதிமுக
2	ப.சிவகாமி	திமுக - சமூக சமத்துவப்படை
3	கி.ராஜேந்திரன்	தேமுதிக
4	மு.சத்தியசீலன்	பாமக
5	மு.கலியபெருமாள்	பாஜக
6	நெ.அருண்குமார்	நாம் தமிழர்

தொகுதியில் அடங்கியுள்ள பகுதிகள் :

• வேப்பந்தட்டை வட்டம்

• பெரம்பலூர் வட்டம்

• குன்னம் வட்டம் (பகுதி)

சிறுகவயல், நக்கசேலம், எலந்தலப்பட்டி, டி.களத்தூர், புது அம்மா பாளையம், கன்னப்பாடி, தேனூர், மாவிலங்கை, நாரணமங்கலம், நாட்டார்மங்கலம், செட்டிகுளம், இரூர், பாடலூர் (மேற்கு) மற்றும் பாடலூர் (கிழக்கு) கிராமங்கள

29/04/2016-ன்படி வாக்காளர்கள் விவரம்:

ஆண்	1,36,003
பெண்	1,42,372
மூன்றாம் பாலினத்தவர்:	14
மொத்த வாக்காளர்கள்	2,78,389

பெரம்பலூர் (தனி) சட்டமன்ற தொகுதி கடந்து வந்த தேர்தல்கள் ( 1951 - 2011 )

ஆண்டு	வெற்றி பெற்றவர்	கட்சி	வாக்குகள்	விழுக்காடு
1951	பரமசிவம்	சுயேச்சை	25411	16.1
1957	கே. பெரியண்ணன்	காங்கிரஸ்	20375	11.76
1962	டி. பி. அழகுமுத்து	திமுக	38686	55.38
1967	ஜெ. எஸ். இராஜ்	திமுக	33657	51.03
1971	ஜெ. எஸ். இராஜ்	திமுக	39043	55.28
1977	எஸ். வி. இராமசாமி	அதிமுக	37400	56.53
1980	ஜெ. எஸ். இராஜ்	திமுக	28680	40.98
1984	கே. நல்லமுத்து	காங்கிரசு	57021	63.88
1989	ஆர். பிச்சைமுத்து	இந்திய பொதுவுடமைக் கட்சி	34829	34.51
1991	டி. செழியன்	அதிமுக	76202	70.69
1996	எம். தேவராசன்	திமுக	64918	55.07
2001	பி. இராசரத்தினம்	அதிமுக	67074	53.45
2006	எம். இராஜ்குமார்	திமுக	60478	---
2011	ஆர்.தமிழ்செல்வன்	அதிமுக	98497	---

ஆண்டு	2ம் இடம் பிடித்தவர்	கட்சி	வாக்குகள்	விழுக்காடு
1951	பழனிமுத்து	தமிழ்நாடு உழைப்பாளர் கட்சி	19756	12.52
1957	கிருஷ்ணசாமி	காங்கிரசு	38975	22.49
1962	ஆர். இராம ரெட்டியார்	காங்கிரசு	31168	44.62
1967	எம். அய்யாக்கண்ணு	காங்கிரசு	28864	43.76
1971	கே. பெரியண்ணன்	ஸ்தாபன காங்கிரசு	23335	33.04
1977	கே. எஸ். வேலுசாமி	திமுக	16459	24.88
1980	எம். அங்கமுத்து	அதிமுக	24224	34.62
1984	டி. சரோஜினி	திமுக	27751	31.09
1989	எம். தேவராசன்	திமுக	34398	34.09
1991	எம். தேவராசன்	திமுக	25868	24
1996	எஸ். முருகேசன்	அதிமுக	41517	35.22
2001	எஸ். வல்லபன்	திமுக	47070	37.51
2006	எம். சுந்தரம்	அதிமுக	53840	---
2011	எம்.பிரபாகரன்	திமுக	79418	---

2006 தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	ராஜ்குமார்.M	திமுக	60478
2	சுந்தரம்.M	அதிமுக	53840
3	மணிமேகலை.P	தேமுதிக	12007
4	புகழேந்தி.C	சுயேச்சை	2481
5	பாஸ்கரன்.K	சுயேச்சை	1934
6	பிச்சைமுத்து.R	பாஜக	1530
7	நீதிராஜா.P	சுயேச்சை	459
8	ஸ்டாலின்.R	லோக சனசக்தி கட்சி	439
9	ராஜபாண்டியன்.R	பகுஜன் சமாஜ் கட்சி	425
10	சரவணன்.K	சுயேச்சை	270
			133863

2011 - தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	தமிழ்செல்வன்.R	அதிமுக	98497
2	பிரபாகரன்.M	திமுக	79418
3	ஜெயபாலாஜி.J	இந்திய ஜனநாயக கட்சி	3668
4	ரவிச்சந்திரன்.S	சுயேச்சை	2020
5	கிருஷ்ணமூர்த்தி.S	பகுஜன் சமாஜ் கட்சி	1851
6	செல்லமுத்து.V.P	சுயேச்சை	1442
7	சுபாஷினி.V	சுயேச்சை	1117
8	ஷ்யாம் சுந்தர்.G	சுயேச்சை	712
			188725