28 - ஆலந்தூர்

1967 மற்றும் 1971 சட்டமன்ற தேர்தல்களில் தி மு க சார்பில் போட்டியிட்டு எம் ஜி ஆர் வென்ற தொகுதி இது.காஞ்சிபுரம் மாவட்டத்தில் ஆலந்தூர் சட்டப்பேவை தொகுதி வருகிறது. இந்த தொகுதி எண் 28. இது ஸ்ரீபெரும்புதூர் மக்களவைத் தொகுதியின் ஒரு பகுதியாக இருக்கிறது. தியாகராய நகர், சைதாப்பேட்டை, ஸ்ரீபெரும்புதூர் ஆகியவை சட்டப்பேரவை தொகுதிகள் இதன் எல்லைகளாக அமைந்துள்ளன.

மணப்பாக்கம் (சென்சஸ் டவுன்). கவுல் பஜார் கிராமம், நந்தம்பாக்கம் (பேரூராட்சி), செயின்ட் தாமஸ்மவுண்ட் - பல்லாவரம் (கண்டோன்மெண்ட் போர்டு), ஆலந்தூர் (நகராட்சி) மற்றும் மூவரசம்பேட்டை (செசன்ஸ் டவுன்) உள்ளிட்ட பகுதிகள் இந்த தொகுதியில் அடங்கும். தற்போதைய நிலவரப்படி மொத்தம் 3 லட்சத்து 41 ஆயிரத்து 623 வாக்காளர்கள் உள்ளன. இதில், ஆண்கள் 1 லட்சத்து 71 ஆயிரத்து 127 பேரும், பெண்கள் ஒரு லட்சத்து 70 ஆயிரத்து 475 பேர் பெண் வாக்காளரும் உள்ளன. மற்றவர்கள் பிரிவில் 21 பேர் உள்ளனர்.

கடந்த 1967-ம் ஆண்டு முதல் 2014-ம் ஆண்டு வரை நடைபெற்ற சட்டப்பேரவை தேர்தலில் திமுக 6 முறையும், அதிமுக 5 முறையும் வெற்றி பெற்றுள்ளது. குறிப்பாக கடந்த 1967 மற்றும் 1971 ஆண்டுகளில் திமுக சார்பில் போட்டியிட்டு 2 முறை எம்ஜிஆர் வெற்றி பெற்றார். கடந்த 2011-ல் நடத்த சட்டப்பேரவை தேர்தலில் தேமுதிக சார்பில் போட்டியிட்ட பண்ருட்டி ராமசந்திரன் வெற்றி பெற்றார். பின்னர், அவர் அந்த பதவியில் இருந்து விலகியதால் இடைத்தேர்தல் நடைபெற்றது. இதில் அதிமுக சார்பில் போட்டியிட்ட வி.என்.பி. வெங்கட்ராமன் வெற்றி பெற்றார்.

இந்த தொகுதியில் மீனம்பாக்கம் விமான நிலையம், கத்திப்பாரா மேம்பாலம், ஆலந்தூர் மெட்ரோ ரயில் நிலையம் ஆகியவை முக்கிய அடையாளமாக இருக்கின்றன. 200 ஆண்டுகள் பழைமை வாய்ந்த துலக்காத்தாம்மன் கோயில், படைவீடு அம்மன்கோயில், ஆஞ்சநேயர் கோவில் ஆகியவை இந்துக்களின் முக்கிய வழிப்பாட்டு தளமாக இருக்கின்றன. மற்ற மதங்களை காட்டிலும் இந்துக்கள் அதிகமாக இருக்கின்றன. மயிலாப்பூர், மாம்பலம் இடங்களுக்கு அடுத்து அதிகமாக இந்த தொகுதியில் பிராமணர்கள் அதிகமாக வசிக்கின்றனர். தாழ்த்தப்பட்டோர், முதலியார் வகுப்பு மக்களும் அதிகளவில் இருக்கின்றனர்.

ஜிஎஸ்டி சாலையில் இருந்து உள்ளே பழவந்தாங்கல் செல்லும் சுரங்கப்பாதையை நங்கநல்லூர் 5வது பிரதான சாலை வரை இணைக்க வேண்டும். இந்த சுரங்கப்பாதை தற்போது குறுகியதாக இருப்பதால் கடுமையான போக்குவரத்து நெரிசல் ஏற்படுகிறது. பரங்கிமலையில் இருந்து மீனம்பாக்கம் வரையில் மொத்தம் 4 சுரங்கப்பாதைகள் இருப்பதால் கனமழை பெய்யும்போது, உள்பகுதிக்கு செல்ல போக்குவரத்து தடை ஏற்படுகிறது. மேலும், சுரங்கப்பாதையில் நிரம்பும் நீரால் உயிரிழப்புகள் ஏற்படுகின்றன. எனவே, தில்லை கங்காநகர் பகுதியில் இருந்து ஜிஎஸ்டிசாலையை இணைக்கும் வகையில் மேம்பாலம் அமைக்க வேண்டும். இங்குள்ள சுற்றி வட்டார பகுதிகளில் அரசு கல்லூரி எதுவும் இல்லாதால் நீண்ட தூரம் சென்று படிக்க வேண்டிய சூழல் ஏற்படுகிறது. பெண்களுக்காக அரசு கல்லூரி தொடங்க வேண்டும், இந்த தொகுதியின் மையமான பகுதியில் அரசு பொதுமருத்துவமணை அமைக்க வேண்டுமென இப்பகுதி மக்கள் வலியுறுத்துகின்றனர்.

2016 தேர்தலில் களம் காணும் வேட்பாளர்கள் விவரம்

வரிசை எண்	வேட்பாளர்	கட்சி
1	பண்ருட்டி எஸ்.ராமசந்திரன்	அதிமுக
2	தா.மோ.அன்பரசன்	திமுக
3	யு.சந்திரன்	தேமுதிக
4	இரா.சீனிவாசன்	பாமக
5	டாக்டர் எஸ்.சத்தியநாராயணன்	பாஜக
6	ஆர்.தனஞ்செயன்	நாம் தமிழர்

ஸ்ரீபெரும்புதூர் வட்டம்

அய்யப்பன்தாங்கல் தெள்ளியார் அகரம், கொளுத்துவான்சேரி, சீனிவாசபுரம், கோவூர், சின்னபணிச்சேரி, பரணிபுத்தூர், பெரியபணிச்சேரி, மௌலிவாக்கம், மதனந்தபுரம், முகலிவாக்கம், கொளப்பாக்கம், கெருகம்பாக்கம், தண்டலம், தரப்பாக்கம் மற்றும் இரண்டான்கட்டளை கிராமங்கள்,

மணப்பாக்கம் (சென்சஸ் டவுன்).

தாம்பரம் வட்டம்

கவுல் பஜார் கிராமம், O நந்தம்பாக்கம் (பேரூராட்சி), செயின்ட் தாமஸ்மவுண்ட் - பல்லாவரம் (கண்டோன்மெண்ட் போர்டு), ஆலந்தூர் (நகராட்சி) மற்றும் மூவரசம்பேட்டை (செசன்ஸ் டவுன்)

29/04/2016-ன்படி வாக்காளர்கள் விவரம்:

ஆண்	1,75,334
பெண்	1,76,028
மூன்றாம் பாலினத்தவர்	15
மொத்த வாக்காளர்கள்	3,51,377

ஆலந்தூர் தொகுதி கடந்து வந்த தேர்தல்கள் (1967 - 2014)

ஆண்டு	வெற்றிபெற்றவர்	கட்சி
1967	எம்.ஜி.ஆர்	தி. மு. க
1971	எம்.ஜி.ஆர்	தி. மு. க
1977	அப்துல் ரசாக்	அதிமுக
1980	அப்துல் ரசாக்	அதிமுக
1984	ஆபிரகாம்	திமுக
1989	சி.சண்முகம்	திமுக
1991	அண்ணாமலை	அதிமுக
1996	சி.சண்முகம்	திமுக
2001	வளர்மதி	அதிமுக
2006	தா. மோ. அன்பரசன்	திமுக
2011	பண்ருட்டி இராமச்சந்திரன் ‎	தேமுதிக
2014	வி. என். பி. வெங்கட்ராமன்	அதிமுக

2006 தேர்தல் ஒரு பார்வை

வரிசை எண்	வேட்பாளர்	கட்சி	பதிவான வாக்குகள்
1	தா.மோ அன்பரசன்	திமுக	133232
2	பா வளர்மதி	அதிமுக	115322
3	விஜயகுமார்	தேமுதிக	22866
4	எச் ராஜா	பிஜேபி	9298
5	வேம்புலி	சுயேச்சை	1148
6	இதயவேந்தன்	பி எஸ் பி	569
7	கஜேந்திரகுமார்	சுயேச்சை	463
8	அகஸ்டின்	சுயேச்சை	288
9	ரமேஷ்	சுயேச்சை	247
10	வசந்த குமார்	சுயேச்சை	236
11	வெங்கடேசன்	சுயேச்சை	231
12	முருகன்	சுயேச்சை	140
13	சண்முகம்	சுயேச்சை	131
14	முனுசாமி	சுயேச்சை	127
15	ஆறுமுகம்	சுயேச்சை	105
			284403

2016 சட்டப் பேரவை தேர்தல்- வாக்கு விவரங்கள்

2011 தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	S. ராமசந்திரன்	தேமுதிக	76537
2	DR.காயத்ரி தேவி	காங்கிரஸ்	70783
3	சத்யநாராயணன்	பிஜேபி	9628
4	எல்.அயோத்தி	சுயேச்சை	2731
5	தாமஸ் பர்னபாஸ்	பு பா	1817
6	ஆனந்த்	ஐ ஜே கே	1265
7	கண்ணன்	பி எஸ் பி	948
8	பாலாஜி	ஜேஎம் எம்	835
9	மன்சூர் அலி கான்	எம்எம்கேஎ	787
10	மீனாட்சி சுந்தரம்	எல்எஸ்பி	552
11	ராமகிருஷ்ணன்	சுயேச்சை	368
12	திலகராஜன்	சுயேச்சை	306
13	ரவி	சுயேச்சை	277
14	வரதன்	சுயேச்சை	277
15	முத்துகிருஷ்ணன்	AIPPMR	243
16	கிருஷ்ணமூர்த்தி	சுயேச்சை	199
17	ராஜேந்திரபாபு	சுயேச்சை	159
18	தினகரன்	சுயேச்சை	145
19	எழிலரசு	சுயேச்சை	142
20	முத்தழகன்	பிபிஐஎஸ்	136
			168135