25 - மயிலாப்பூர்

நீதிக்கட்சி காலத்தில் இருந்தே தேர்தலை சந்தித்து வரும் மயிலாப்பூர் சென்னையின் மிகப் பழமையான தொகுதிகளில் ஒன்று. கபாலீஸ்வரர் கோயில், ராமகிருஷ்ணர் மடம், அப்பர்சாமி கோயில், ஆதிகேசவ பெருமாள் கோயில் என பழைமை வாய்ந்த இந்து ஆலயங்களும், லஸ், சாந்தோம் என கிறிஸ்தவ தேவாலயங்களையும் கொண்ட ஆன்மீக தொகுதியாக மயிலாப்பூர் உள்ளது. செட்டிநாட்டு அரண்மனை உள்ள ராஜா அண்ணாமலைபுரம் இந்த தொகுதியில் தான் வருகிறது.

2016 தேர்தலில் களம் காணும் வேட்பாளர்கள் விவரம்

இந்த தொகுதியில் பிராமனர்கள் அதிகம் உள்ளனர். வன்னியர் மற்றும் கிராமணி சமூகத்தினரும் கணிசமான அளவுக்கு மயிலாப்பூர் தொகுதியில் உள்ளனர். ராமகிருஷ்ணா கல்லூரி, சமஸ்கிருத கல்லூரி, பிஎஸ் மேல் நிலைப்பள்ளி போன்றவையும் மயிலாப்பூர் தொகுதியின் பழம்பெருமை வாய்ந்த கல்வி நிறுவனங்கள் ஆகும். சங்கீத சபாக்கள் அதிகம் கொண்ட பகுதியாகவும் மயிலாப்பூர் விளங்குகிறது.

சாந்தோம், ஆழ்வார்ப்பேட்டை, ராஜா அண்ணாமலைபுரம், அவ்வை நகர் போன்ற பகுதிகள் மயிலாப்பூர் தொகுதிக்கு கீழ் வருகின்றன. சென்னை மாநகராட்சியின் மண்டலம் 6,8,10 ஆகியவை மயிலாப்பூர் தொகுதியில் வருகின்றன. நிறைய ஆன்மீகத் தலங்களை கொண்ட மயிலாப்பூர் தொகுதியில், ஆண்டுதோறும் ஊர்வலம், வீதி உலா என்று விழாக்கோலமாக காட்சியளிக்கும் பிரதான சாலைகளே மிகக் குறுகளாக இருப்பதால், போக்குவரத்து நெரிசல் என்பது மிகப்பெரிய பிரச்சினையாக உள்ளது. ராமகிருஷ்ண மடம் சாலை, லஸ் தேவாலய சாலை போன்ற இடங்களில் போக்குவரத்து நெரிசல் என்பது அதிகளவில் உள்ளது. இது தவிர தண்ணீர் பிரச்சினையும் அவ்வப்போது எழுகிறது.

சென்னை மாகானமாக இருந்த போது 1952 முதல் 1967 வரை 4 தேர்தல்களும், அதன் பிறகு, இன்று வரை 10 தேர்தல்களையும் மயிலாப்பூர் தொகுதி சந்தித்துள்ளது. இத்தொகுதியின் முதல் எம்.எல்.ஏ. காங்கிரஸ் கட்சியின் சி.ஆர்.ராமசாமி ஆவார். பிராமனர்கள் அதிகம் உள்ள இந்தத் தொகுதியை 1962-ல் முதன் முறையாக திமுக கைப்பற்றியது. 2001 சட்டப்பேரவைத் தேர்தலில் திமுக கூட்டணியில் பாஜக வேட்பாளர் கே.என்.லட்சுமணன் இந்த தொகுதியிலிருந்து தேர்வு செய்யப்பட்டார். ஆனால், கடந்த 2 தேர்தல்களிலும் அதிமுகவே இந்த தொகுதியில் வெற்றி பெற்றுள்ளது. போக்குவரத்து நெரிசலை குறைக்க வேண்டும், குடிநீர் வசதி முறையாக செய்து தர வேண்டும் என்பவை இத்தொகுதி மக்களின் வேண்டுகோளாக உள்ளன.

29/04/2016-ன்படி வாக்காளர்கள் விவரம்:

ஆண்	1,27,711
பெண்	1,35,150
மூன்றாம் பாலினத்தவர்	34
மொத்த வாக்காளர்கள்	2,62,895

2016 சட்டப் பேரவை தேர்தல்- வாக்கு விவரங்கள்

மைலாப்பூர் தொகுதி கடந்து வந்த தேர்தல்கள் (1952 - 2011)

சட்டமன்ற தேர்தல் ஆண்டு	வெற்றி பெற்ற வேட்பாளர்	கட்சி	வாக்கு விழுக்காடு (%)
2011	ஆர். ராஜலட்சுமி	அதிமுக
2006	எஸ். வி. சேகர்	அதிமுக	42.62
2001	K.N.லக்ஷமணன்	பா.ஜ.க	51.09
1996	N.P.இராமஜெயம்	திமுக	67.25
1991	T.M. இரங்கராஜன்	அதிமுக	59.31
1989	N. கணபதி	திமுக	40.88
1984	பா.வளர்மதி	அதிமுக	51.68
1980	T.K. கபாலி	அதிமுக	49.66
1977	T.K. கபாலி	திமுக	33.75
1971	டி. என். அனந்தநாயகி	ஸ்தாபன காங்கிரஸ்
1967	அரங்கண்ணல்	திமுக
1962	அரங்கண்ணல்	திமுக
1957	சி.ஆர்.ராமசாமி	காங்கிரஸ்
1952	சி.ஆர்.ராமசாமி	காங்கிரஸ்

2006 – தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	S .Ve .சேகர்	அதிமுக	62794
2	D .நெப்போலியன்	திமுக	61127
3	சந்தானகோபாலன்	எல்கேபிடி	9436
4	V .N .ராஜன்	தேமுதிக	7441
5	V .S .சந்திரலேகா	ஜனதா	2898
6	அமெரிக்கை வி.நாராயணன்	சுயேச்சை	1961
7	வீரராகவன்	சுயேச்சை	671
8	பிரேம்குமார்	சுயேச்சை	192
9	அருள்	சுயேச்சை	150
10	C .சேகர்	சுயேச்சை	147
11	பார்த்திபன்	சுயேச்சை	132
12	மோகன்ராஜ்	ஜே ஜே	112
13	டாமினிக்	சுயேச்சை	87
14	சந்திரசேகரன்	சுயேச்சை	72
15	கோகுலநாதன்	சுயேச்சை	64
16	தாசபிரகாஷ்	ஆர் எல் டி	61
			147345

2011 – தேர்தல் ஒரு பார்வை

வரிசை எண்	வேட்பாளர்கள்	கட்சி	பதிவான வாக்குகள்
1	ராஜலக்ஷ்மி	அதிமுக	80063
2	K .V .தங்கபாலு	காங்கிரஸ்	50859
3	வானதி ஸ்ரீனிவாசன்	பிஜேபி	6911
4	அசோக் ராஜேந்திரன்	எல் எஸ் பி	1340
5	பிரவீன்குமார்	சுயேச்சை	527
6	J .ராஜேந்திரன்	சுயேச்சை	500
7	சிவகாமி	சுயேச்சை	493
8	ரங்கராஜன்	சுயேச்சை	437
9	மோகன்	சுயேச்சை	377
10	P .ராஜேந்திரன்	பிபிஐஎஸ்	278
11	கோபி நாராயண் யாதவ்	எம்எம்கேஎ	217
12	முருகேசன்	சுயேச்சை	168
13	மோகன்ராஜ்	ஜே ஜே	167
14	சரவணன்	சுயேச்சை	144
15	பிரான்சிஸ்	சுயேச்சை	136
16	சாந்தலிங்கம்	சுயேச்சை	106
17	கதிரவன்	சுயேச்சை	80
18	சந்திரமோகன்	சுயேச்சை	79
			142882