சிபிஎஸ்இ 10, 12ம் வகுப்புக்கான பொதுத்தேர்வு தேதிகள் அறிவிப்பு - பிப்.15ல் தொடக்கம்

சென்னை: மத்திய இடைநிலைக் கல்வி வாரியத்தின் (சிபிஎஸ்இ) பாடத்திட்டத்தில் 10, 12-ம் வகுப்புகளுக்கு ஆண்டுதோறும் பொதுத்தேர்வு நடத்தப்படுகிறது. நடப்பு ஆண்டுக்கான (2023) 10, 12-ம் வகுப்பு பொதுத்தேர்வு அட்டவணை வெளியிடப்பட்டுள்ளது.

அதன்படி, 12ம் வகுப்புகளுக்கான தேர்வுகள் பிப்ரவரி 15ம் தேதி தொடங்கி ஏப்ரல் 12ம் தேதி முடிவடைகிறது.

10ம் வகுப்புகளுக்கான தேர்வுகள் பிப்ரவரி 15ம் தேதி தொடங்கி மார்ச் 21 அன்று முடிவடைகிறது என்று தெரிவிக்கப்பட்டுள்ளது. 10, 12ஆம் வகுப்புக்கான தேர்வு காலை 10.30 மணிக்கு தொடங்கி மதியம் 1.30 மணிக்கு முடிவடையும் என்றும் அறிவிக்கப்பட்டுள்ளது. செய்முறை தேர்வுகள் ஜனவரி 2, 2023 முதல் தொடங்கவுள்ளது.

மேலும் இதுதொடர்பான விவரங்களை cbse.gov.in, cbse.nic.in என்ற இணையதளங்களில் சரிபார்க்கலாம்.