தமிழகத்தில் 10, பிளஸ் 1, பிளஸ் 2 வகுப்பு பொது தேர்வுகளுக்கான இறுதிகட்ட பணிகள் தீவிரம்

சென்னை: தமிழகத்​தில் நடைபெறவுள்ள 10, பிளஸ் 1 மற்றும் பிளஸ் 2 வகுப்பு​களுக்கான பொதுத்​தேர்வு அடுத்​த வாரம் தொடங்​க​வுள்ள நிலை​யில் இறுதிக்​கட்ட பணிகளை தேர்​வுத் துறை முடுக்​கி ​விட்​டுள்​ளது.

தமிழக பள்ளிக்​கல்வி பாடத்​திட்​டத்​தில் 10-ம் வகுப்பு பிளஸ் 1 மற்றும் பிளஸ் 2 பயிலும் மாணவர்​களுக்கான பொதுத் தேர்வு மார்ச் 3 முதல் ஏப். 15-ம் தேதி வரை நடைபெற உள்ளது. இதில் பிளஸ் 2 வகுப்​பில் 8.21 லட்சம் மாணவர்​கள், பிளஸ் 1-ல் 8.23 லட்சம் பேர், பத்தாம் வகுப்​பில் 9.13 லட்சம் பேர் என மொத்தம் 25.57 லட்சம் பேர் தேர்வு எழுதுகிறார்​கள். இதற்காக பிளஸ் 1, பிளஸ் 2 வகுப்பு​களுக்கு தலா 3,316 மையங்​களும், பத்தாம் வகுப்​புக்கு 4,113 மையங்​களும் அமைக்​கப்​பட்​டுள்ளன. மேலும், தேர்வறை கண்காணிப்​பாளர் மற்றும் பறக்​கும் படை அலுவலர் நியமனம் உட்பட இறுதி​கட்ட பணிகளும் தற்போது முடுக்​கி​விடப்​பட்​டுள்ளன.

இதுகுறித்து தேர்​வுத் துறை அலுவலர்கள் கூறிய​தாவது: பத்தாம் வகுப்பு பொதுத் தேர்​வுக்கான அறை கண்காணிப்​பாளர் பணியில் 48,426 ஆசிரியர்கள் ஈடுபடுத்​தப்பட உள்ளனர். அதே போல், பொதுத் தேர்வு அறைக் கண்காணிப்​பாளர்​களாக பிளஸ் 1 தேர்​வுக்கு 44,236 பேரும், பிளஸ் 2 தேர்​வுக்கு 43,446 பேரும் நியமிக்​கப்​பட்​டுள்​ளனர்.

மேலும், முறை​கேடுகளை தடுக்க பத்தாம் வகுப்​புக்கு 4,858, பிளஸ் 1 மற்றும் பிளஸ் 2 வகுப்பு​களுக்கு தலா 4,470 நிலையான மற்றும் பறக்​கும் படைகள் அமைக்​கப்​பட்​டுள்ளன. இதற்கான இறுதி சரிபார்ப்பு பணிகள் தற்போது மேற்​கொள்​ளப்​பட்டு வருகின்றன.

இதுதவிர மாவட்ட ஆட்சி​யர், முதன்மை, வட்டாரக் கல்வி அலுவலர் மற்றும் வருவாய்த் துறை அதிகாரிகள் தலைமை​யிலும் சிறப்பு கண்காணிப்​புக் குழுக்கள் ஏற்படுத்​தப்​பட்​டுள்ளன.

மேலும், மாநிலம் முழு​வதும் உள்ள சுமார் 300 வினாத்​தாள் கட்டுக்​காப்பு மையங்​களில் 24 மணி நேரம் ஆயுதம் தாங்கிய காவல்​துறை அதிகாரிகள் பாது​காப்பு பணியில் ஈடுபட்​டுள்​ளனர். மாணவர்கள் வசதிக்காக கடந்த ஆண்டைவிட தேர்வு மையங்​களின் எண்ணிக்கை​யானது கணிசமாக அதிகரிக்​கப்​பட்​டுள்ளன. தொடர்ந்து தேர்​வு​கள் ​முடிந்​ததும் ​விடைத்​தாள் ​திருத்​துதல் பணிக்காக தமிழகம் ​முழு​வதும் 150 ​மு​காம்​கள் அமைக்​கப்பட உள்ளன. இவ்​வாறு அவர்கள் தெரி​வித்​தனர்​.