3.73 கிலோ தங்கம் பறிமுதல் - கோவையில் 3 பேர் கைது

கோவை: கோவை விமான நிலையத்தில் பயணிகள் மூவரிடம் இருந்து ரூ.2.19 கோடி மதிப்பிலான 3.73 கிலோ கடத்தல் தங்கம் பிடிபட்டது.

சிங்கப்பூரில் இருந்து நேற்று முன்தினம் மாலை கோவை வந்த விமானத்தில் தங்கம் கடத்தி வரப்படுவதாக வந்த தகவலையடுத்து மத்திய வருவாய் புலனாய்வுத்துறையினர் கண்காணிப்பு பணியை தீவிரப்படுத்தினர்.

சந்தேகத்துக்கிடமான வகையில் செயல்பட்ட 3 பயணிகளிடம் மேற்கொண்ட சோதனையில் ஆசனவாய் மற்றும் உள்ளாடையில் மறைத்து கடத்தி வரப்பட்ட 3.73 கிலோ கடத்தல் தங்கத்தை பறிமுதல் செய்தனர். அவற்றின் மதிப்பு ரூ.2.19 கோடி. இச்சம்பவத்தில் ஈடுபட்ட திருச்சியை சேர்ந்த அபுபக்கர் சித்திக்(34), பிரியா(36), கோவையை சேர்ந்த மதி(29) ஆகியோரை கைது செய்தனர்.