திருமங்கலம் | போக்சோ சட்டத்தில் 2 பேர் மீது வழக்கு

மதுரை: திருமங்கலம் அருகே மைக்குடியைச் சேர்ந்தவர் அஜித் (26). இவர் 16 வயது சிறுமியிடம் திருமணம் செய்வதாக நெருங்கி பழகி கடந்த 9-ம் தேதி பாலியல் துன்புறுத்தல் செய்துள்ளார்.

இது குறித்து புகாரின்பேரில் திருமங்கலம் மகளிர் போலீஸார் போக்சோவில் வழக்குப்பதிவு செய்து அஜித்தை தேடி வருகின்றனர். அதேபோல திருமங்கலம் பகுதியைச் சேர்ந்த கார்த்திக் (21). இவர் பிளஸ் 2 மாணவி ஒருவரிடம் பழகி பாலியல் துன்புறுத்தல் செய்துள்ளார்.

கடந்த 6-ம் தேதி அம்மாணவி பள்ளி ஆண்டு விழாவுக்குச் சென்றபோது, அவரை பாலியல் ரீதியாக துன்புறுத்தியதால் மனமுடைந்த சிறுமி, சானிடைசரை குடித்தார். இதையடுத்து, அவர் மதுரை அரசு மருத்துவமனையில் அனுமதிக்கப்பட்டார். புகாரின்பேரில், கார்த்திக் மீது போக்சோவில் வழக்குப்பதிவு செய்து போலீஸார் விசாரிக்கின்றனர்.