திருவள்ளூர்: கல்லூரி மாணவர் தற்கொலை வழக்கில் மேலும் ஒரு மாணவர் கைது

திருவள்ளூர்: திருநின்றவூரில் கல்லூரி மாணவர் ரயில் முன் பாய்ந்து தற்கொலை செய்து கொண்ட வழக்கில் மற்றொரு கல்லூரியைச் சேர்ந்த மேலும் ஒரு மாணவர் கைது செய்யப்பட்டுள்ளார்.

சென்னை, சேப்பாக்கத்தில் உள்ள அரசுக் கல்லூரி மாணவரான குமார்(20), கடந்த மாதம் 28-ம் தேதி இரவு, திருநின்றவூர் ரயில் நிலையத்தில் ரயில் முன் பாய்ந்து, தற்கொலை செய்து கொண்டார்.

சென்னை, கீழ்ப்பாக்கம் அரசு உதவிப் பெறும் கல்லூரி மாணவர்கள் 10-க்கும் மேற்பட்டோரின் கேலி, கிண்டல் காரணமாக இவர் தற்கொலை செய்ததாக கூறப்படுகிறது.

இதுகுறித்து, வழக்குப் பதிவு செய்த திருவள்ளூர் ரயில்வே போலீஸார் நடத்திய விசாரணையின் அடிப்படையில், அரசு உதவிப் பெறும் கல்லூரி மாணவரான, திருநின்றவூரை சேர்ந்த மனோஜ்(18), கடந்த மாதம் 31-ம் தேதி கைது செய்யப்பட்டார்.

இந்நிலையில், இந்த வழக்குத் தொடர்பாக, அதே கல்லூரியை சேர்ந்த ஹாரீஸ்(18) என்ற மாணவரை நேற்று முன்தினம் இரவு போலீஸார் கைது செய்தனர்.