ராமேசுவரம் உடை மாற்றும் அறையில் ரகசிய கேமரா விவகாரத்தில் மேலும் ஒருவர் கைது

ராமேசுவரம்: அக்னி தீர்த்தக் கடற்​கரை​யில் தனியார் உடை மாற்றும் அறையில் ரகசிய கேமரா இருந்த விவகாரத்​தில் மேலும் ஒருவரை போலீ​ஸார் கைது செய்​தனர்.

ராமேசுவரம் அக்னி தீர்த்தக் கடற்​கரை​யில் நீராடிய பக்தர் ஒருவர், கடற்​கரைக்கு எதிரே இருந்த டீ ஸ்டால் மற்றும் உடை மாற்றும் அறையில் உடை மாற்றச் சென்​றுள்​ளார். அப்போது, அந்த அறையில் சிறிய அளவில் ரகசிய கேமரா இருந்​ததைக் கண்டு அதிர்ச்சி அடைந்து, ராமேசுவரம் கோயில் காவல் நிலை​யத்​தில் புகார் அளித்​தார்.

போலீ​ஸார் அந்த அறையை ஆய்வு செய்து, அங்கிருந்த ரகசிய கேமராவை பறிமுதல் செய்​தனர். மேலும், அந்த டீ ஸ்டாலை நடத்தி வந்த ராஜேஷ் கண்ணனைக் கைது செய்​தனர்.

மேலும், அவர் கொடுத்த வாக்​குமூலத்​தின் அடிப்​படை​யில், கடையில் டீ மாஸ்​ட​ராகப் பணிபுரிந்த ராமேசுவரம் ரயில்வே பீடர் ரோடு பகுதி​யைச் சேர்ந்த மீரான் மைதீன் (37) என்பவரை​யும் போலீ​ஸார் கைது செய்து, விசா​ரித்து வருகின்​றனர்.

ஆட்சியர் எச்சரிக்கை: ராமநாத​புரம் மாவட்ட ஆட்சி யர் சிம்​ரன்​ஜீத் சிங் காலோன் வெளி​யிட்​டுள்ள செய்திக்​குறிப்பு: அறநிலையத் துறை மூலம் பக்தர்​களுக்காக ராமேசுவரம் கோயில் உட்பிர​காரத்​தில் தீர்த்​தத்​தொட்டி அருகே ஒரு உடை மாற்று​வதற்கான கட்டிட​மும், அக்னி தீர்த்தக் கடற்கரை எதிரில் ஒரு உடை மாற்று​வதற்கான கட்டிட​மும் செயல்​பட்டு வருகிறது. இவற்றை பக்தர்கள் பயன்படுத்​திக் கொள்ள வேண்​டும். தனியார் விடு​திகளில் சட்ட​விரோத செயல்​களில் யாரேனும் ஈடுபடுவது தெரிய​வந்​தால், சம்பந்​தப்​பட்​ட​வர்​கள் மீது கடும் நட​வடிக்கை எடுக்​கப்​படு​வதுடன், ​விடு​தி​யின் உரிமம் ரத்து செய்​யப்​படும்.
இவ்​வாறு ராமநாதபுரம் மாவட்ட ஆட்சி​யர் தெரி​வித்​து உள்​ளார்​.