பெங்களூருவில் இன்ஜினீயரிடம் ரூ.11.8 கோடி சுருட்டிய டிஜிட்டல் அரெஸ்ட் கும்பல்

பெங்களூரு: பெங்​களூரு​வில் உள்ள ஜிகே விகே லே அவுட்டை சேர்ந்​தவர் சாப்ட்​வேர் இன்ஜினீயர் விக்ரம் (பெயர் மாற்​றப்​பட்​டுள்​ளது). 38 வயதான இவருக்கு கடந்த நவ. 28-ல் செல்​போனில் அழைப்பு வந்துள்ளது. அதில் பேசிய நபர், டெல்​லி​யில் உள்ள இந்தியத் தொலைத்​தொடர்பு ஒழுங்​கு​முறை ஆணையத்​தில் இருந்து பேசுவதாக கூறி​யுள்​ளார்.

மேலும் உங்களது எண்ணை தவறாக பயன்​படுத்தி சட்ட விரோத விளம்​பரம், பிரபலங்​களுக்கு கொலை மிரட்டல் ஆகியவை விடுக்​கப்​பட்​டுள்​ளது. உங்கள் மீது மும்பை போலீ​ஸார் வழக்​குப்​ப​திவு செய்​துள்ளனர் என்று கூறி​யுள்​ளார். பலமுறை பேசிய அந்த மோசடி நபர்​கள், அவரை டிஜிட்டல் அரெஸ்ட் செய்திருப்பதாக கூறி​யுள்​ளனர்.

இதைத் தொடர்ந்து வீடியோ அழைப்​பில் பேசிய மர்ம நபர் ‘‘உங்களை​ கைது செய்ய தனிப்படை போலீ​ஸார் பெங்​களூரு விரைந்​துள்ளனர்”என பயமுறுத்​தி​யுள்​ளார். இதனால் பயந்த விக்ரம் தன்னைக் காப்​பாற்று​மாறு கூறி​யுள்​ளார். இதைத் தொடர்ந்து அடுத்த 7 நாட்​களில் மொத்​தமாக ரூ.11.8 கோடி பணத்தை பறித்​துள்ளனர். இதையடுத்து தான் ஏமாற்​றப்​பட்டதை உணர்ந்த விக்​ரம், பெங்​களூரு மத்​திய குற்​றப்​பிரிவு ​போலீ​ஸாரிடம் பு​கார் அளித்​துள்​ளார்​.