சென்னை | குழந்தை பெற்றுத்தர ரூ.5 லட்சம்: வாடகை தாய், இடைத்தரகர் கைது

சென்னை: சென்னை தேனாம்​பேட்டை டிஎம்எஸ் வளாகத்​தில் மாவட்ட வாடகைத்​தாய் மருத்​துவக் குழு கலந்​தாய்வு கூட்டம் நேற்று முன்​தினம் நடைபெற்​றது. வாடகைத்​ தாயாக இருந்து குழந்தை பெற்றுக் கொடுப்​ப​தற்காக விண்​ணப்​பித்​திருந்த திரு​வொற்றியூரை சேர்ந்த தமிழரசி (26) ஆஜராகி இருந்​தார்.

அவரிடம் விசாரணை செய்​த​தில் முன்னுக்​குப் பின் முரணாக பதில் அளித்​தார். கார்த்திக் என்பவருடன் திரு​மணம் நடைபெற்​றதாக போலியான பத்திரி​கையை ஏற்பாடு செய்​ததும், இரண்டு குழந்தைகள் உள்ள நிலை​யில் தனக்கு ஒரு குழந்தை தான் உள்ளது என்றும், தாயின் பெயரை மாற்றி பெரி​யம்​மா​வின் பெயரை சேர்த்து பிரமாண பத்திரத்​தில் தாக்கல் செய்​ததும் தெரிய​வந்​தது.

இதையடுத்து, தமிழரசி, அவருக்கு உடந்​தையாக இருந்த இடைத்​தரகர் மஞ்சு, இவர்​களுக்கு உதவிய தனியார் கருத்​தரிப்பு மையத்​தின் கவுன்​சலிங் ஊழியர் வீர சக்தி ஆகிய 3 பேரை​யும் மருத்​துவத் துறை அதிகாரிகள் தேனாம்​பேட்டை காவல் நிலை​யத்​தில் ஒப்படைத்​தார்.

சென்னை அடையாறில் உள்ள தனியார் கருத்​தரிப்பு மையத்​தில் சிகிச்சை பெற்று வந்த கோவை தம்ப​தி​களிடம் இதற்காக அவர்கள் ரூ.5 லட்சம் பேசி முடித்​ததும் தெரிய​வந்​தது. இதைத் தொடர்ந்து, வாடகை தாயாக செயல்​பட்ட தமிழரசி, இடைத்தரகர் மஞ்சு ஆகிய இரு​வரும் கைது செய்​யப்​பட்​டனர். கருத்​தரிப்பு மைய ஊழியரிடம் ​விசாரணை நடைபெற்று வருகிறது.