போதை மாத்திரை விற்ற துணை நடிகர்கள் உட்பட 5 பேர் கைது

கோவை: கோவை மாநகர மதுவிலக்கு அமலாக்கத் துறை போலீஸார், சுங்கம்-உக்கடம் புறவழிச்சாலையில் நேற்று முன்தினம் ரோந்துப் பணியில் ஈடுபட்டிருந்தனர்.

அப்போது, தெற்கு உக்கடத்தைச் சேர்ந்த யாசிக் இலாஹி(26), போளுவாம்பட்டி மரியா(31), கரும்புக்கடை முஜிப் ரகுமான்(27), ஆர்.எஸ்.புரம் கிருஷ்ணன்(24), சென்னை சினேகா(31) ஆகியோர், கஞ்சா, போதை மாத்திரைகளை விற்பனை செய்தது தெரியவந்தது.

இதையடுத்து, 5 பேரையும் கைது செய்த போலீஸார், அவர்களிடம் இருந்து 1 கிலோ 410 கிராம் கஞ்சா, 200 போதை மாத்திரைகள், 3 செல்போன்கள், ஒரு வாகனம் ஆகியவற்றைப் பறிமுதல் செய்தனர். இவர்களில் யாசிக் இலாஹி, மரியா, சினேகா ஆகியோர் திரைத் துறையில் துணை நடிகர்களாக உள்ளனர். மேலும், அப்துல்கலாம், ஆஷிக் ஷெரீப், ரிஸ்வான், சச்சின் ஆகியோரைத் தேடி வருகின்றனர்.