பிரபாஸ் பிறந்தநாளை முன்னிட்டு சாஹோ ஃபர்ஸ்ட் லுக் வெளியீடு

பிரபாஸ் பிறந்தநாளை முன்னிட்டு 'சாஹோ' படத்தின் ஃபர்ஸ்ட் லுக்கை படக்குழு வெளியிட்டு இருக்கிறது.

தெலுங்கு திரையுலகின் முன்னணி நடிகரான பிரபாஸ் இன்று (அக்டோபர் 23) தனது பிறந்தநாளைக் கொண்டாடி வருகிறார். இதனை முன்னிட்டு சுஜித் இயக்கத்தில் அவர் நடித்து வரும் 'சாஹோ' படத்தின் ஃபர்ஸ்ட் லுக்கை படக்குழு வெளியிட்டுள்ளது. இதற்கு பெரும் வரவேற்பு கிடைத்துள்ளது.

சமூகவலைத்தளத்தில் திரையுலக பிரபலங்கள் பலரும் பிரபாஸுற்கு தங்களுடைய பிறந்தநாள் வாழ்த்தைத் தெரிவித்து வருகிறார்கள். 'பாகுபலி 2' படத்தைத் தொடர்ந்து 'சாஹோ' படத்தில் நடித்து வருகிறார் பிரபாஸ். தமிழ், தெலுங்கு மற்றும் இந்தி என 3 மொழிகளில் இப்படம் உருவாகி வருகிறது. சுஜீத் இயக்கும் இப்படத்தை வம்சி மற்றும் பிரமோத் இருவரும் இணைந்து தயாரித்து வருகிறார்கள்.

நாயகியாக ஷ்ரதா கபூர், நீல் நிதின் முகேஷ், அருண் விஜய் உள்ளிட்ட பலர் இப்படத்தில் நடித்து வருகிறார்கள். ஒளிப்பதிவாளராக மதி, கலை இயக்குநராக சாபு சிரில் மற்றும் இசையமைப்பாளராக சங்கர் -இசான் - லாய் இணை பணிபுரிந்து வருகிறார்கள்.

'பாகுபலி' படத்தைப் போலவே, இப்படமும் பெரும் பொருட்செலவில் உருவாகி வருவது குறிப்பிடத்தக்கது