மீண்டும் சிவா இயக்கத்தில் அஜித்: சத்யஜோதி நிறுவனமே தயாரிக்கிறது

மீண்டும் சிவா இயக்கத்தில் அஜித் நடிக்கவுள்ள படத்தை சத்யஜோதி நிறுவனமே தயாரிக்கவுள்ளது.

சிவா இயக்கத்தில் அஜித் நடிப்பில் வெளியான படம் 'விவேகம்'. விமர்சன ரீதியிலும், வசூல் ரீதியிலும் பெரும் தோல்வியை சந்தித்தது. இப்படத்தை தயாரித்த சத்யஜோதி நிறுவனத்துக்கே மீண்டும் இக்கூட்டணி படம் பண்ணுவது உறுதியாகி இருக்கிறது.

தோள்பட்டை அறுவைசிகிச்சை முடிந்து ஓய்வில் இருக்கும் அஜித், டிசம்பர் மாதத்திலிருந்து மீண்டும் தன் பணிக்கு திரும்பவுள்ளார். அதனைத் தொடர்ந்து இயக்குநர் சிவாவிடம் முழுக்கதையையும் கேட்டு முடிவு செய்யவுள்ளார் அஜித்.

அடுத்த பிப்ரவரியில் இக்கூட்டணி இணையும் படத்தின் படப்பிடிப்பு தொடங்க சத்யஜோதி நிறுவனம் முடிவு செய்திருக்கிறது. அடுத்தாண்டு தீபாவளிக்கு வெளியிடலாம் என்று திட்டமிட்டு இருக்கிறது.

அனிருத் இசையமைப்பாளராக ஒப்பந்தமாகி இருக்கிறார். டிசம்பரிலிருந்து படக்குழுவினர் ஒப்பந்தப் படணியில் ஈடுபடவுள்ளது படக்குழு.