மெர்சல் வெற்றிக்கு நன்றி: விஜய் நெகிழ்ச்சி

'மெர்சல்' வெற்றிக்கு நன்றி என்று விஜய் தனது அதிகாரபூர்வ ஃபேஸ்புக் பக்கத்தில் பதிவிட்டு இருக்கிறார்

அட்லி இயக்கத்தில் விஜய் நடிப்பில் வெளியாகியிருக்கும் படம் 'மெர்சல்'. ஏ.ஆர்.ரஹ்மான் இசையமைத்துள்ள இப்படத்துக்கு ஜி.கே.விஷ்ணு ஒளிப்பதிவு செய்திருந்தார். தேனாண்டாள் பிலிம்ஸ் தயாரித்து வெளியிட்டு இருக்கிறது.

தமிழகம், கேரளா, கர்நாடகா மட்டுமன்றி அமெரிக்கா, ஆஸ்திரேலியா உள்ளிட்ட நாடுகளிலும் வசூல் சாதனையை நிகழ்ச்சி வருகிறது 'மெர்சல்'. இதனால் படக்குழு மிகவும் மகிழ்ச்சியடைந்தது.

ஜிஎஸ்டி தொடர்பான வசனங்களை நீக்க வேண்டும் என்று பலதரப்பும் எதிர்ப்புக் குரல் கொடுத்து வரும் நிலையில், ’மெர்சல்’ வெற்றிக்கு விஜய் நன்றி தெரிவித்திருக்கிறார்.

இது தொடர்பாக தனது அதிகாரபூர்வ ஃபேஸ்புக் பக்கத்தில் விஜய் கூறியிருப்பதாவது, "’மெர்சல்’ படத்தை பெரும் வெற்றிப்படமாக ஆக்கிய அனைவருக்கும் உள்ளம் கனிந்த நன்றிகள்" என்று பதிவிட்டு இருக்கிறார் விஜய்

'மெர்சல்' படத்தைத் தொடர்ந்து ஏ.ஆர்.முருகதாஸ் இயக்கத்தில் உருவாகவுள்ள படத்துக்கு தயாராகி வருகிறார் விஜய். இப்படத்தை சன் பிக்சர்ஸ் நிறுவனம் தயாரிக்கவுள்ளது.