பிரம்மாவுக்கு முத்தங்கள்: மகளிர் மட்டும் படத்துக்கு ராஜூமுருகன் பாராட்டு

இயக்குநர் பிரம்மாவுக்கு முத்தங்கள் என்று 'மகளிர் மட்டும்' படத்துக்கு இயக்குநர் ராஜூமுருகன் பாராட்டு தெரிவித்துள்ளார்.

பிரம்மா இயக்கத்தில் ஜோதிகா, சரண்யா பொன்வண்ணன், ஊர்வசி, பானுப்ரியா, நாசர் உள்ளிட்ட பலர் நடிப்பில் வெளியாகியிருக்கும் படம் 'மகளிர் மட்டும்'. சூர்யா தயாரித்திருந்தார். செப்டம்பர் 14-ம் தேதி வெளியான இப்படம் விமர்சன ரீதியில் பெரும் வரவேற்பைப் பெற்றிருக்கிறது.

இப்படம் குறித்து இயக்குநர் ராஜூமுருகன் தெரிவித்திருப்பதாவது:

'மகளிர் மட்டும்' பார்த்தேன். நெடுநாட்களுக்குப் பிறகு கண்ணீரையும், புன்னகையையும் தந்த படம். நமது அம்மாக்களின், சகோதரிகளின், மனைவிகளின், காதலிகளின், தோழிகளின் அகத்தை அற்புதமாய் பேசுகிற படம். ஒவ்வொருக்கும் பார்க்க வேண்டிய படைப்பு. தோழன் இயக்குநர் பிரம்மாவுக்கு முத்தங்கள். இப்படியான நல்ல படைப்பைத் தந்த தயாரிப்பாளர் சூர்யா, ராஜசேகர் கற்பூர சுந்தரபாண்டியன் அவர்களுக்கும் படத்தில் பங்காற்றிய அத்தனை பேருக்கும் வாழ்த்துக்கள்

இவ்வாறு ராஜுமுருகன் தெரிவித்துள்ளார்.