டி.கே இயக்கத்தில் உருவாகும் காட்டேரி

டி.கே. இயக்கத்தில் ஆதி மற்றும் ஓவியா நடிக்கவுள்ள படத்துக்கு 'காட்டேரி' என தலைப்பிட்டு இருக்கிறார்கள்.

'கவலை வேண்டாம்' படத்தைத் தொடர்ந்து தனது அடுத்த படத்துக்கான கதை விவாதத்தில் ஈடுபட்டு வந்தார் இயக்குநர் டி.கே. இதனை ஸ்டூடியோ க்ரீன் நிறுவனம் தயாரிக்க முன்வந்தது.

'ஹர ஹர மஹாதேவகி' படத்தின் பத்திரிகையாளர் காட்சியில், டி.கே படத்தின் அறிமுக விழா நடைபெற்றது. 'காட்டேரி' எனப் பெயரிடப்பட்டுள்ள இப்படத்தில் சாய்குமாரின் மகன் ஆதித்யா நாயகனாக நடிக்கவுள்ளார். அவர் தமிழில் அறிமுகமாகும் முதல் படம் இதுவாகும். இதில் நாயகிகளில் ஒருவராக ஓவியா ஒப்பந்தம் செய்யப்பட்டுள்ளார்.

இதன் அறிமுக விழாவோடு, ஃபர்ஸ்ட் லுக் போஸ்டரையும் வெளியிட்டுள்ளது படக்குழு. இவ்விழாவில் சாய்குமார் கலந்து கொண்டு ஃபர்ஸ்ட் லுக் போஸ்டரை வெளியிட்டார். மேலும், ஆதி மற்றும் ஓவியாவோடு நடிக்கவிருப்பவர்கள் தேர்வு மும்முரமாக நடைபெற்று வருகிறது. விரைவில் படப்பிடிப்பு தொடங்க படக்குழு திட்டமிட்டுள்ளது.