சிவகார்த்திகேயனின் ‘அயலான்’ தீபாவளிக்கு ரிலீஸ்

சென்னை: எதிர்வரும் தீபாவளி திருநாளன்று சிவகார்த்திகேயனின் ‘அயலான்’ திரைப்படம் வெளியாகும் என படக்குழு அறிவித்துள்ளது. இந்தப் படம் கடந்த 2018-ல் தொடங்கப்பட்டது குறிப்பிடத்தக்கது.

24 ஏஎம் ஸ்டுடியோஸ் மற்றும் கேஜேஆர் ஸ்டுடியோஸ் தயாரித்துள்ள இந்தப் படத்தை ஆர்.ரவிக்குமார் இயக்கி உள்ளார். ஏ.ஆர்.ரஹ்மான் இசை அமைத்துள்ளார். ரகுல் ப்ரீத் சிங், ஷரத் கேல்கர், இஷா கோப்பிகர், பானுப்ரியா, யோகி பாபு, கருணாகரன், பால சரவணன் ஆகியோர் இதில் நடித்துள்ளனர்.

"திரைப்படம் முழுவதும் வரும் வேற்றுக்கிரகவாசி கதாப்பாத்திரம் அனைவரும் விரும்பும் வகையில் காட்சிப்படுத்தப்பட்டுள்ளது.மேலும் 4500+VFX காட்சிகளைக் கொண்ட இந்திய சினிமாவின் முதல் முழு நீள லைவ்-ஆக்‌ஷன் திரைப்படமாக 'அயலான்' இருக்கும் என்று படத்தின் தயாரிப்பு நிறுவனம் தெரிவித்துள்ளது. சயின்ஸ் பிக்‌ஷன் காமெடி ஜானரில் இந்தப் படம் உருவாகி உள்ளதாக தெரிகிறது.

We've made contact with extraterrestrial life! And we have a visitor from Outer space Expected time of Arrival: Diwali 2023

Get ready to welcome our lovely and adorable #Ayalaan #AyalaanFromDiwali2023@Siva_Kartikeyan @arrahman @Ravikumar_Dir @24amstudios… pic.twitter.com/3vW6aIYSgJ

— KJR Studios (@kjr_studios) April 24, 2023