மீண்டும் ஏ.எல்.விஜய் இயக்கத்தில் பிரபுதேவா?

'தேவி' படத்தைத் தொடர்ந்து மீண்டும் ஏ.எல்.விஜய் இயக்கத்தில் பிரபுதேவா நடிக்க புதிய படமொன்றுக்கு பேச்சுவார்த்தை நடைபெற்று வருகிறது.

ஏ.எல்.விஜய் இயக்கத்தில் பிரபுதேவா நடித்து, தயாரித்த படம் 'தேவி'. வசூல் ரீதியில் இப்படத்துக்கு பெரும் வரவேற்பு கிடைத்தது. தற்போது இக்கூட்டணி மீண்டும் இணைந்து பணிபுரிய பேச்சுவார்த்தை நடைபெற்று வருகிறது.

இப்படத்தை ட்ரைடண்ட் ஆர்ட்ஸ் ரவி தயாரிக்க முன்வந்திருக்கிறார். இம்மாத இறுதியில் படப்பிடிப்பு தொடங்கப்படும் என தகவல் வெளியாகியுள்ளது.

தனது இயக்கத்தில் விஷால், கார்த்தி நடிக்கவிருந்த 'கறுப்பு ராஜா வெள்ளை ராஜா' படம் கைவிடப்பட்டதால், தற்போது 2 புதிய படங்களில் நடித்து வருகிறார் பிரபுதேவா. இயக்குநர் விஜய்யும் 'கரு' படத்தின் இறுதிக்கட்டப் பணிகளில் மும்முரமாக இருக்கிறார். இருவருமே தங்களுடைய பணிகளை முடித்துவிட்டு, இணைந்து பணிபுரிய திட்டமிட்டு இருக்கிறார்கள்.