முதல் 4 நாட்களில் ரூ.10 கோடி வசூலித்த துப்பறிவாளன்

நடிகர் விஷாலின் 'துப்பறிவாளன்' முதல் 4 நாட்களில் தமிழகத்தில் சுமார் ரூ.10 கோடி வசூலித்துள்ளதாக தெரிவிக்கப்பட்டுள்ளது.

மிஷ்கின் இயக்கத்தில் விஷால் நடிப்பில் வெளியான படம் 'துப்பறிவாளன்'. இதில் பிரசன்னா, வினய், இயக்குநர் கே.பாக்யராஜ், அனு இம்மானுவேல், ஆண்ட்ரியா உள்ளிட்ட பலர் நடித்திருந்தனர்.

செப்டம்பர் 14-ம் தேதி வெளியான இப்படம் விமர்சன ரீதியில் பெரும் வரவேற்பைப் பெற்றுள்ளது.

இதுகுறித்து வணிகத் தரப்பில் ஒருவர் பேசியபோது, ''தமிழ்நாட்டில் முதல் 4 நாட்களில் படம் ரூ.10 கோடியை வசூலித்துள்ளது. படம் குறித்த நேர்மறை விமர்சனங்கள் அதிகமாக உள்ளதால், வசூல் இன்னும் அதிகரிக்க வாய்ப்புள்ளது'' என்றார்.

படத்தின் வசூல் குறித்துப் பேசிய மிஷ்கின், ''படத்துக்குக் கிடைத்துள்ள வரவேற்பைப் பார்க்கும்போது மிகவும் சந்தோஷமாக இருக்கிறது'' என்றார்.