இது வேதாளம் சொல்லும் கதை ஃபர்ஸ்ட் லுக் வெளியீடு

'இது வேதாளம் சொல்லும் கதை' படத்தின் ஃபர்ஸ்ட் லுக் மற்றும் டீஸர் சமூகவலைத்தளத்தில் வெளியிடப்பட்டு இருக்கிறது.

புதுமுக இயக்குநர் ரத்தீந்திரன் இயக்கத்தில் உருவாகும் படம் 'இது வேதாளம் சொல்லும் கதை'. அஸ்வின், ஐஸ்வர்யா ராஜேஷ், குரு சோமசுந்தரம், அபி தியோல் உள்ளிட்ட பலர் நடித்து வருகிறார்கள். இப்படத்தின் பெரும் பகுதி படப்பிடிப்பு முடிவடைந்துவிட்டது.

ஜிப்ரான் இசையமைத்து வரும் இப்படத்தின் 3 நாட்கள் படப்பிடிப்பு மட்டுமே பாக்கியுள்ளது. டிசம்பரில் இப்படத்தை வெளியிட படக்குழு முடிவு செய்திருக்கிறது.

இந்நிலையில் இப்படத்தின் டீஸர் மற்றும் ஃபர்ஸ்ட் லுக் போஸ்டரை இணையத்தில் வெளியிட்டுள்ளது படக்குழு. ஃபர்ஸ்ட் லுக் போஸ்டர்கள் மட்டுமன்றி, படத்தின் கதாபாத்திரங்களுடைய போஸ்டர்களையும் படக்குழு வெளியிட்டுள்ளது. இதற்கு இணையத்தில் நல்ல வரவேற்பு கிடைத்திருக்கிறது.