துப்பறிவாளன் 2 வெளிவரும்: விஷால் தகவல்

'துப்பறிவாளன்' படத்தின் 2-ம் பாகத்தை தயாரித்து நடிக்கவுள்ளதாக மலேசியாவில் விஷால் தெரிவித்துள்ளார்.

'துப்பறிவாளன்' படத்தை விளம்பரப்படுத்தும் நோக்கில் மலேசியாவில் நடைபெற்ற ப்ரீமியர் காட்சியில் கலந்து கொண்டார் விஷால். அப்போது, 'துப்பறிவாளன்' 2-ம் பாகத்தை தயாரித்து நடிக்கவுள்ளதாக தெரிவித்துள்ளார். இதன் பணிகள் விரைவில் தொடங்கப்படும் என்றும் குறிப்பிட்டுள்ளார்.

மிஷ்கின் இயக்கத்தில் உருவாகியுள்ள 'துப்பறிவாளன்' படத்தில் பிரசன்னா, வினய், இயக்குநர் கே.பாக்யராஜ், அனு இம்மானுவேல், ஆண்ட்ரியா உள்ளிட்ட பலர் விஷாலுடன் நடித்திருக்கிறார்கள். செப்டம்பர் 14-ம் தேதி வெளியாகியுள்ள இப்படம் விமர்சன ரீதியாக பெரும் வரவேற்பைப் பெற்றுள்ளது.

அரோல் குரலியின் பின்னணி இசை, ஹோட்டலில் இடம்பெறும் சண்டைக்காட்சிகள் உள்ளிட்டவற்றை பலரும் பாராட்டி வருகிறார்கள். மக்களிடையே வரவேற்பைப் பெற்று வருவதால் திரையரங்குகள் அதிகரிக்கப்பட்டுள்ளது குறிப்பிடத்தக்கது.