அக்டோபரில் சதுரங்க வேட்டை 2 வெளியீடு: தயாரிப்பாளர் தகவல்

'சதுரங்க வேட்டை 2' திரைப்படம் அக்டோபரில் வெளியாகும் என்று தயாரிப்பாளர் மனோபாலா தெரிவித்திருக்கிறார்.

'சதுரங்க வேட்டை 2' படத்தின் இறுதிகட்டப் பணிகள் மும்முரமாக நடைபெற்று வருகிறது. அனைத்து பணிகளும் முடிந்து ஆயுத பூஜை விடுமுறை வெளியீடாக இருந்தது. ஆனால், பல்வேறு படங்கள் வெளியாவதால் தற்போது அக்டோபர் வெளியாகும் என படக்குழு அறிவித்துள்ளது.

இப்படத்தின் தயாரிப்பாளரான மனோபாலாவும் இதனை தனது ட்விட்டர் பக்கத்தில் உறுதிப்படுத்தி இருக்கிறார். மேலும், நவம்பர் வெளியீடு என்று வெளியான தகவலையும் மறுத்திருக்கிறார்.

'சதுரங்க வேட்டை' இயக்குநர் கதை, திரைக்கதையை நிர்மல் குமார் இயக்கியிருக்கிறார். அரவிந்த்சுவாமி, த்ரிஷா, பூர்ணா, பிரகாஷ்ராஜ், நாசர், ராதாரவி, ஸ்ரீமன், யோகி பாபு உள்ளிட்ட பலர் இப்படத்தில் நடித்திருக்கிறார்கள்.

இப்படத்தின் பணிகள் முடிவடைந்ததைத் தொடர்ந்து, தற்போது 'வணங்காமுடி' படத்தில் கவனம் செலுத்தி வருகிறார் அரவிந்த்சுவாமி.