தணிக்கையில் யு/ஏ சான்றிதழ்: செப். 27-ல் வெளியாகிறது ஸ்பைடர்

மகேஷ் பாபுவின் நடிப்பில் செப். 27-ல் வெளியாக உள்ள 'ஸ்பைடர்' திரைப்படத்துக்கு தணிக்கை வாரியம் யு/ஏ சான்றிதழ் அளித்துள்ளது.

இதுகுறித்து மகிழ்ச்சி தெரிவித்துள்ள படக்குழு, ''படத்தில் எந்தக் காட்சிகளும் நீக்கப்படவில்லை. நிபந்தனைகள் அல்லது எச்சரிக்கைகள் எதுவும் இல்லை'' என்று தெரிவித்துள்ளது.

இதுகுறித்து வெளியான தகவலில் படத்தில் புகைபிடித்தல் அல்லது மது அருந்தும் காட்சிகள் இல்லை என்று கூறப்படுகிறது.

'அகிரா' இந்தி படத்தைத் தொடர்ந்து தெலுங்கில் மகேஷ்பாபு நடிக்கும் 'ஸ்பைடர்' என்னும் படத்தை இயக்கியுள்ளார் இயக்குநர் ஏ.ஆர்.முருகதாஸ். தமிழ் மற்றும் தெலுங்கு என இருமொழிகளில் இப்படம் தயாராகியுள்ளது.

இப்படம் சுமார் ரூ.120 கோடி செலவில் தயாரிக்கப்பட்டுள்ளது. ராகுல் ப்ரீத் சிங், ஆர்.ஜே.பாலாஜி, பரத் உள்ளிட்ட பலர் நடித்துள்ள இப்படத்தில் எஸ்.ஜே.சூர்யா வில்லனாக நடித்துள்ளா.

ஹாரிஸ் ஜெயராஜ் இசையமைத்துள்ள இப்படத்துக்கு சந்தோஷ் சிவன் ஒளிப்பதிவு செய்துள்ளார்.

'ஸ்பைடர்' படத்தைத் தொடர்ந்து கொரட்டலா சிவா இயக்கத்தில் உருவாகி வரும் படத்துக்கு தேதிகள் ஒதுக்கியுள்ளார் மகேஷ் பாபு.