பிக் பாஸ் இறுதிப் போட்டியில் சிநேகனுக்கு வாக்களியுங்கள்: காயத்ரி ரகுராம்

'பிக் பாஸ்' இறுதிப் போட்டியில் சிநேகனுக்கு வாக்களிக்குமாறு காயத்ரி ரகுராம் வேண்டுகோள் விடுத்துள்ளார்.

செப்டம்பர் 30-ம் தேதி 'பிக் பாஸ்' நிகழ்ச்சியின் 100-வது நாள் நிகழ்வு நடைபெறவிருக்கிறது. கடைசிகட்டத்தை எட்டியுள்ள நிலையில், பிக் பாஸ் வெற்றியாளர் யார் என்பதில் எதிர்பார்ப்பு அதிகரித்துள்ளது.

ஆரவ், கணேஷ் வெங்கட்ராம், பிந்து மாதவி, சிநேகன் மற்றும் ஹரிஷ் ஆகியோர் இறுதிப் போட்டியாளர்களாக இருக்கிறார்கள். இவர்களில் யார் வெற்றியாளர் என்பதற்கான வாக்கெடுப்பும் நடைபெற்று வருகிறது.

இந்நிலையில், 'பிக் பாஸ்' நிகழ்ச்சியிலிருந்து வெளியேறிய காயத்ரி ரகுராம், சிநேகனுக்கு தனது ஆதரவைத் தெரிவித்துள்ளார். இது குறித்து அவர் தனது ட்விட்டர் பக்கத்தில் கூறியிருப்பதாவது:

சிநேகனுக்கு அதிக வாக்குகள் கிடைப்பது போல் தெரிகிறது. எனது ஆதரவும் அவருக்கு தான். எனக்கு அவர் நல்ல நண்பர். எனக்கு பிரச்சினை ஏற்படும் போதெல்லாம் உறுதுணையாக இருந்திருக்கிறார். எனக்கு எப்போதுமே ஆதரவாக இருந்தவருக்கு, தற்போது நான் ஆதரவளிக்கிறேன். அவருக்கு வாக்களியுங்கள்"

இவ்வாறு காயத்ரி ரகுராம் தெரிவித்துள்ளார்.