விநாயகர் சதுர்த்திக்கு வெளியாகிறது சிவகார்த்திகேயனின் புதிய படம்

சென்னை: நடிகர் சிவகார்த்திகேயன் நடிப்பில் உருவாகி வரும் 'SK20' திரைப்படம் வரும் ஆகஸ்ட் 31-ஆம் தேதி விநாயகர் சதுர்த்தி விழாவை முன்னிட்டு வெளியாகவுள்ளதாக படக்குழு அறிவித்துள்ளது.

அண்மையில் சிவகார்த்திகேயன் நடிப்பில் ‘டான்’ படம் வெளிவந்தது. அந்தப் படம் வர்த்தக ரீதியில் வெற்றி பெற்றதற்கு 'SK20' படக்குழு பாராட்டுகளை தெரிவித்துள்ளது. அதோடு சேர்த்து இந்த அறிவிப்பை வெளியிட்டுள்ளது. புதுச்சேரியில் இந்தப் படத்தின் படப்பிடிப்பு பணிகள் நடைபெற்று வருவது குறிப்பிடத்தக்கது.

இந்தப் படத்தில் சிவகார்த்திகேயன், மரியா, சத்யராஜ் மற்றும் பலர் நடித்து வருகின்றனர். தமன் இசையமைத்து வருகிறார். தெலுங்கு திரைப்படமான ஜாதி ரத்னாலு படத்தின் இயக்குநர் அனுதீப் இந்தப் படத்தை இயக்கி வருகிறார். ஃபேமிலி என்டர்டெயினராக இந்தப் படம் வெளிவர உள்ளதாக தெரிவிக்கப்பட்டுள்ளது.

இந்தப் படத்தின் ஃபர்ஸ்ட் லுக் மற்றும் அப்டேட்கள் விரைவில் வெளிவரும் என தெரிவிக்கப்பட்டுள்ளது. தமிழ் மற்றும் தெலுங்கு என ஒரே நேரத்தில் இரண்டு மொழிகளிலும் திரைப்படம் வெளியாக உள்ளதாக தெரிவிக்கப்பட்டுள்ளது.

#SK20fromAugust31 #SK20 @Siva_Kartikeyan @anudeepfilm #MariaRyaboshapka @MusicThaman @manojdft @Cinemainmygenes #Sathyaraj @Premgiamaren @SVCLLP @SureshProdns @Gopuram_Cinemas #Sathyaraj @Premgiamaren #Narayandasnarang @AsianSuniel @SBDaggubati @puskurrammohan @iamarunviswa pic.twitter.com/7GpusBQWas

— Shanthi Talkies (@ShanthiTalkies) May 30, 2022