கார் விபத்தில் உயிர் தப்பினார் நடிகை பிரனீதா

தெலங்கானா மாநிலத்தில் நேற்று நிகழ்ந்த கார் விபத்தில் சிக்கிய திரைப்பட நடிகை பிரனீதா அதிர்ஷ்டவசமாக உயிர் தப்பினார்.

தமிழில் சகுனி, மாஸ் ஆகிய திரைப்படங்களில் நடித்துள்ள நடிகை பிரனீதா, கன்னடம், தெலுங்கு திரைப்படங்களிலும் நடித்து வருகிறார். இவர் தெலங் கானா மாநிலம், கம்மம் நகரில் நேற்று நடைபெற்ற விழாவில் கலந்து கொண்டார்.

பின்னர் அங்கிருந்து காரில் ஹைதராபாத் சென்று கொண்டிருந் தார். இவருடன் தாயார் மற்றும் உதவியாளர்கள் பயணம் செய்த னர். மோதே பகுதியில் சென்று கொண்டிருந்தபோது, முன்னால் சென்ற பைக் மீது மோதுவதைத் தவிர்ப்பதற்காக ஓட்டுநர் திடீரென திருப்பியதால், சாலையின் அருகில் உள்ள சுமார் 10 அடி பள்ளத் தில் கவிழ்ந்து விபத்துக்குள்ளாது.

இதில் நடிகை பிரனீதா உட்பட காரில் பயணம் செய்த அனை வரும் காயமடைந்தனர். உடனடி யாக ஆம்புலன்ஸ் மூலம் அருகில் உள்ள ஒரு தனியார் மருத்துவமனையில் அனுமதிக்கப் பட்டனர். முதலுதவி சிகிச்சைக்குப் பின்னர் அனைவரும் ஹைதராபாத் மருத்துவமனையில் அனுமதிக்கப் பட்டு சிகிச்சை பெற்று வரு கின்றனர்.