அன்று கண்ணைப் பார்த்து கேலி... இன்று ஜீனியஸ்! - செல்வராகவனின் உருக்கமும் உத்வேகமும்

இயக்குநர் செல்வராகவன் தனது இன்ஸ்டாகிராம் பக்கத்தில் தனது இளவயது புகைப்படத்தை பகிர்ந்து அதோடு சிறுவயதில் தான் அனுபவித்த துயரங்களைப் பற்றி ஒரு உருக்கமான பதிவையும் எழுதியுள்ளார். அதோடு இளவயதில் இருக்கும் தனக்கு இப்போது இருக்கும் அவர் அறிவுரை வழங்குவதுபோல அந்த பதிவு எழுதப்பட்டுள்ளது.

அந்த பதிவில் அவர் கூறியுள்ளதாவது:

அன்புள்ள செல்வா (வயது 14),

உன் உருவத்தை வைத்து இவ்வுலகம் உன்னை பார்த்து சிரிக்கிறது. ஏனென்றால் நீ ஒரு மாற்று திறனாளி. உனக்கு ஒரு கண்ணில் பார்வை குறைபாடு உள்ளது. நீ எங்கே சென்றாலும் மக்கள் உன்னை பார்த்து சிரிக்கிறார்கள் அல்லது கேலி செய்கிறார்கள். அதை நினைத்து ஒவ்வொரு இரவும் நீ அழுகிறாய்.

சில நேரங்களில் ‘ஏன் என் கண்ணை பறித்தாய்’ என்று கடவுளிடம் கேட்கிறாய். ஆனால் கவலைப்படாதே செல்வா. இன்னும் சரியாக பத்தே வருடங்களில் ஒரு மிகப்பெரிய வெற்றிப் படத்தை எழுதப் போகிறாய். அது உன் வாழ்வையே மாற்றப் போகிறது. இதே உலகம் அப்போதும் உன்னை பார்க்கும். ஆனால் கேலி செய்யும் நோக்கத்தோடு அல்ல. மாறாக மரியாதையுடனும், நம்பிக்கையுடனும். இன்னும் 10 வருடங்களில் சிறந்த படங்களை எடுத்து தமிழ் சினிமா வரலாற்றில் நீ இடம்பிடிப்பாய்.

மக்கள் உன்னை ‘ஜீனியஸ்’ என்று அழைப்பார்கள். உன்னுடைய சிறுவயதில் உனக்கு ஒரு துர்சம்பவமாக அமைந்த அந்த கண்ணை அப்போது மக்கள் பார்க்கமாட்டார்கள். தனது படங்களின் மூலம் அவர்களின் வாழ்க்கையை மாற்றிய ஒரு மனிதனை அவர்கள் பார்ப்பார்கள். எனவே தைரியமாக இரு.

கடவுள் உன்னிடமிருந்து மதிப்புமிக்க ஒன்றை எடுத்துக் கொண்டால் அதை விட அபரிமிதமான ஒன்றை உனக்கு திருப்பித் தருவார். எனவே உற்சாகமாக இரு. புகைப்படங்களில் சிரி. (என்னால் நீ சிரிக்கும் ஒரு புகைப்படத்தை கூட கண்டுபிடிக்க முடியவில்லை) ஏனெனில் வரும் ஆண்டுகளில் உன்னுடைய பல புகைப்படங்கள் எடுக்கப்பட போகின்றன.

இயக்குநர் செல்வராகவன் (வயது 45).

இவ்வாறு செல்வராகவன் தனது பதிவில் குறிப்பிட்டுள்ளார்.

View this post on Instagram

Dear selva (age 14) The world is laughing at you about the way you look, because of your handicap, the lack of an eye. Where ever you go people stare at you or mock you. Every night you cry about it. Sometimes ask God "why me? Why did you take my eye?" But don't worry selva. In exactly 10 years you will write and direct a blockbuster hit that will change your life forever. The same world will keep looking at you but not with mocking derision but with respect and admiration. In the next ten years you will make movies that will go down in tamizh cinema history as trend setting cult classics. People will call you a "genius". When people look at you now, they don't see that eye that has haunted you for so much of your young life. They see a man who made a difference to their lives with his movies. So dear boy. Be brave. If God takes something precious from you he will give it back to you in abundance. So cheer up. Smile for photographs (I'm not able to find a single one of you smiling) because in the years to come there will be many pictures being taken of you! Love yourself, Director Selvaraghavan (age 45) This is part of the @mithratrust 7 day kindness challenge. Post a picture of your young self and add a message for the younger you. #kindmindclub #loveyourself

A post shared by Selvaraghavan (@selvaraghavan) on May 18, 2020 at 4:03am PDT