விஷ்ணு விஷாலுக்கு நாயகியாக மஞ்சிமா மோகன் ஒப்பந்தம்

முருகானந்தம் இயக்கத்தில் விஷ்ணு விஷால் மீண்டும் நடிக்கவுள்ள படத்தின் நாயகியாக மஞ்சிமா மோகன் ஒப்பந்தம் செய்யப்பட்டுள்ளார்.

'மாவீரன் கிட்டு' படத்தைத் தொடர்ந்து புதுமுக இயக்குநர் முருகானந்தம் இயக்கத்தில் உருவான படத்தில் நாயகனாக நடித்து வந்தார் விஷ்ணு விஷால். நாயகனாக நடித்தது மட்டுமன்றி தயாரித்தும் வந்தார்.

கத்ரீன் தெரசா, சூரி உள்ளிட்ட பலர் நடித்து வந்த இப்படத்தின் படப்பிடிப்பு முழுமையாக முடிவுற்று இறுதிகட்ட பணிகள் நடைபெற்று வருகிறது. இப்படத்துக்கு 'கதாநாயகன்' என பெயரிட்டுள்ளது படக்குழு.

இப்படத்தைத் தொடர்ந்து மீண்டும் முருகானந்தம் இயக்கத்தில் நாயகனாக நடிக்க ஒப்பந்தமானார் விஷ்ணு விஷால். இதனை துஷ்யந்த் தயாரிக்க முன்வந்துள்ளார். இதன் நாயகியாக மஞ்சிமா மோகன் ஒப்பந்தம் செய்யப்பட்டுள்ளதாக படக்குழு அறிவித்துள்ளது.

இதன் முதற்கட்ட பணிகள் தீவிரமாக நடைபெற்று வருகிறது. விரைவில் படப்பிடிப்பு தொடங்க படக்குழு திட்டமிட்டுள்ளது.