மார்ச் 10-ல் வெளியாகிறது மாநகரம்

லோகேஷ் கனகராஜ் இயக்கத்தில் உருவாகியுள்ள 'மாநகரம்' திரைப்படம், மார்ச் 10-ம் தேதி வெளியாகும் என அறிவிப்பு

புதுமுக இயக்குநர் லோகேஷ் கனகராஜ் இயக்கத்தில் சந்தீப் கிஷன், ஸ்ரீ மற்றும் ரெஜினா உள்ளிட்ட பலர் நடிப்பில் உருவான படம் 'மாநகரம்'. ரியாஸ் இசையமைக்க, செல்வகுமார் ஒளிப்பதிவு செய்துள்ளார். எஸ்.ஆர்.பிரபு தயாரித்துள்ளார்.

இப்படத்தின் அனைத்து பணிகளும் முடிந்து தணிக்கைக்கு விண்ணபிக்கப்பட்டது. ஆனால், தணிக்கையில் ஏற்பட்ட பிரச்சினையால் படத்தின் வெளியீடு எப்போது என்பது தெரியாமல் இருந்து வந்தது.

மறுதணிக்கையில் 'யு/ஏ' சான்றிதழ் கிடைக்கவே, தற்போது மார்ச் 10ம் தேதி 'மாநகரம்' வெளியாகும் என படக்குழு அறிவித்துள்ளது. இப்படத்தின் ட்ரெய்லருக்கு இணையத்தில் பெரும் வரவேற்பு கிடைத்துள்ளது குறிப்பிடத்தக்கது.