‘விஸ்வரூபம் 2’ படத்துக்கு ‘யு/ஏ’ சான்றிதழ்?

கமல்ஹாசனின் ‘விஸ்வரூபம் 2’ படத்துக்கு ‘யு/ஏ’ சான்றிதழ் கிடைத்துள்ளதாகத் தெரியவந்துள்ளது.

கமல்ஹாசன் இயக்கி, தயாரித்து, நடித்துள்ள படம் ‘விஸ்வரூபம் 2’. ஏற்கெனவே ரிலீஸான ‘விஸ்வரூபம்’ படத்தின் தொடர்ச்சியாக இது உருவாகியிருக்கிறது. ஆண்ட்ரியா, ராகுல் போஸ், பூஜா குமார் ஆகியோர் முக்கிய வேடங்களில் நடித்துள்ளனர். ஜிப்ரான் இசையமைத்துள்ளார்.

‘விஸ்வரூபம் 2’ படத்தின் சில காட்சிகளை, சமீபத்தில் தான் படமாக்கினார் கமல்ஹாசன். மேலும், அமெரிக்கா சென்று சவுண்ட் மிக்ஸிங் வேலைகளையும் முடித்தார். இந்த நிலையில், படத்தைப் பார்த்த சென்சார் அதிகாரிகள் ‘யு/ஏ’ சான்றிதழ் வழங்கியுள்ளதாகத் தெரியவந்துள்ளது. ஆனால், இன்னும் அதிகாரப்பூர்வமான அறிவிப்பு வெளிவரவில்லை. ‘விஸ்வரூபம்’ படத்துக்கும் ‘யு/ஏ’ சான்றிதழ் தான் கிடைத்தது என்பது குறிப்பிடத்தக்கது.

இந்தப் படத்தைத் தொடர்ந்து ஷங்கர் இயக்கத்தில் ‘இந்தியன் 2’ படத்தில் நடிக்கிறார் கமல்ஹாசன். அவர் இயக்கிய ‘சபாஷ் நாயுடு’ பாதியிலேயே நிற்கிறது. அது எப்போது தொடங்கும் எனத் தெரியவில்லை.