அதர்வா படத்தில் நடிக்கும் மேயாத மான் இந்துஜா

அதர்வாவின் ‘பூமராங்’ படத்தில் முக்கிய கேரக்டரில் நடிக்க ஒப்பந்தமாகியுள்ளார் ‘மேயாத மான்’ இந்துஜா.

அதர்வா நடிப்பில் உருவாகிவரும் படம் ‘பூமராங்’. ஆர்.கண்ணன் இந்தப் படத்தை இயக்குவதோடு, ‘மசாலா பிக்ஸ்’ நிறுவனம் சார்பில் தயாரித்தும் வருகிறார். அதர்வா ஜோடியாக மேகா ஆகாஷ் நடிக்க, உபேன் படேல் முக்கிய வேடத்தில் நடிக்கிறார்.

விறுவிறுப்பாக இந்தப் படத்தின் படப்பிடிப்பு நடைபெற்று வருகிறது. இதில், ‘மேயாத மான்’ படத்தில் வைபவின் தங்கையாக நடித்த இந்துஜாவும் முக்கிய வேடத்தில் நடிக்க ஒப்பந்தமாகியுள்ளார். மிகவும் சவாலான கேரக்டரில் அவர் நடிக்கிறார் என்கிறார்கள்.

அட்லீயின் உதவியாளர் ஈனாக் இயக்கத்தில் உதயநிதி ஸ்டாலின் நடிக்க இருக்கும் புதிய படத்திலும், இரண்டு ஹீரோயின்களில் ஒருவராக இந்துஜா நடிக்கவுள்ளார். இன்னொரு ஹீரோயினாக பிரியா பவானிசங்கர் நடிக்கிறார்.