மே 31 வெளியீடு: என்.ஜி.கே vs ’தேவி 2’

மே 31-ம் தேதி சூர்யா நடித்துள்ள 'என்.ஜி.கே' படத்துடன் பிரபுதேவா நடித்துள்ள 'தேவி 2' வெளியாகிறது.

செல்வராகவன் இயக்கத்தில் சூர்யா, சாய் பல்லவி, ரகுல் ப்ரீத் சிங் உள்ளிட்ட பலர் நடிப்பில் உருவாகியுள்ள படம் 'என்.ஜி.கே'. ட்ரீம் வாரிய நிறுவனம் தயாரித்துள்ள இப்படத்துக்கு யுவன் இசையமைத்துள்ளார். நீண்ட நாட்களாகத் தயாரிப்பில் இருக்கும் இப்படத்தின் இறுதிக்கட்டப் பணிகள் நடைபெற்று வருகின்றன. மே 31-ம் தேதி வெளியாகும் என அதிகாரபூர்வமாக அறிவிக்கப்பட்டுள்ளது.

தற்போது விஜய் இயக்கத்தில் பிரபுதேவா நடித்துள்ள 'தேவி 2' படமும் மே 31-ம் தேதி வெளியீடு என அறிவித்துள்ளனர். 'தேவி' படத்துக்குக் கிடைத்த மாபெரும் வரவேற்பைத் தொடர்ந்து, அதன் 2-ம் பாகமாக உருவாகியுள்ளது 'தேவி 2'.

தமன்னா, கோவை சரளா, நந்திதா ஸ்வேதா, ஆர்.ஜே.பாலாஜி உள்ளிட்ட பலர் இதில் நடித்துள்ளனர். இதன் இறுதிக்கட்டப் பணிகள் முடிந்துவிட்டன. தணிக்கைக் குழுவினர் இப்படத்துக்கு 'யு' சான்றிதழ் வழங்கியுள்ளனர்.

செல்வராகவன் - சூர்யா முதல் முறையாக இணைந்துள்ள 'என்.ஜி.கே' படத்துக்கு பெரும் எதிர்பார்ப்பு நிலவி வருகிறது. இதனால், திரையரங்குகள் அதிகமாக கிடைக்கும். அப்படியிருந்தும் சின்ன பட்ஜெட் படம் என்பதாலும், கோடை விடுமுறை என்பதாலும் 'தேவி 2' படக்குழுவினரும் மே 31-ம் தேதியைத் தேர்வு செய்துள்ளனர்.