கனா படம் குறித்து திரையுலக பிரபலங்களின் கருத்துகள்

சிவகார்த்திகேயன் தயாரித்துள்ள 'கனா' படம் குறித்து திரையுலக பிரபலங்கள் தெரிவித்த கருத்துகளின் தொகுப்பு

அருண்ராஜா காமராஜ் இயக்கத்தில் சத்யராஜ், ஐஸ்வர்யா ராஜேஷ், இளவரசு உள்ளிட்ட பலர் நடிப்பில் வெளியாகியுள்ள படம் 'கனா'. சிவகார்த்திகேயன் தயாரித்துள்ள இப்படத்தை பல்வேறு திரையுலக பிரபலங்களும் தங்களுடைய ட்விட்டர் பக்கத்தில் பாராட்டியுள்ளனர்.

அவற்றின் தொகுப்பு:

அட்லீ:  கிரிக்கெட் உடனும், விவசாயத்துடனும் கனா நம்மை உணர்வுபூர்வமாக இணைத்து விடுகிறது. நண்பன் அருணாராஜா காமராஜுக்கு வாழ்த்துக்கள், ஐஸ்வர்யா ராஜேஷின் நடிப்பு மற்றும் அர்ப்பணிப்பை நேசிக்கிறேன்.  சத்யராஜ் சார், தர்ஷண் அனைவரும் நன்றாக நடித்துள்ளனர். பாடல்கள், பின்னணி இசை அருமை. சிவகார்த்திகேயன் வாழ்த்துகள் டா, மிகச்சிறந்த படம், தயாரிப்பாளராகவும் எங்களை மகிழ்வித்திருக்கிறாய். இணைத் தயாரிப்பாளர் கலைஅரசுக்கும் வாழ்த்துக்கள், படக்குழுவினருக்கும் வாழ்த்துக்கள்.

சசிகுமார்: விளையாட்டில் பெண்கள் மதிக்கப்படுவதில்லை மற்றும் விவசாயிகளின் துயரத்தைப் பேசும் கனாவுக்கு என் இதயம் கனிந்த வாழ்த்துக்கள். சத்யராஜ், ஐஸ்வர்யா ராஜேஷ் சும்மா சொல்லக்கூடாது வெளுத்துக் கட்டியிருக்கிறார்கள்.  கனா டீமுக்கு வாழ்த்துக்கள்

விக்னேஷ் சிவன்:  அருண்ராஜா காமராஜ் தன் அறிமுகப் படத்திலேயே அனைத்து விதமான ரசிகர்களையும் வென்றுள்ளார், அவரது அழகான கனவு நிஜமாகியுள்ளது.  முதல் பந்திலேயே சிக்ஸ்.  கவுசல்யா பாத்திரத்தை எதார்த்தமாக சித்தரித்தது நிறைய இதயங்களை வெல்லும்.  அவரது அர்ப்பணிப்பு, கடின உழைப்பு ஆச்சரியமளிக்கிறது.  சிவகார்த்திகேயனின் தயாரிப்பு நல்ல நண்பனுக்குச் சாதகமாகத் தெரியவில்லை. ஏனெனில் அத்தனை உணர்வு, அத்தனை உறுதி இந்தப் படத்தில் தெரிகிறது. தன் முதல் படத்துக்கு சிவகார்த்திகேயனை தயாரிப்பாளராக அடைய அருண்ராஜா காமராஜ் தகுதியானவரே. இவர்கள் மிகவும் பொறுப்புமிக்கவர்கள்.

மித்ரன்: கனா உற்சாகமூட்டும் ஒரு பயணம், பிரமாதமான உச்ச கட்டக் காட்சி, பெரிய அளவில் பொழுதுபோக்குப் படம்,  ஐஸ்வர்யா ராஜேஷ், சத்யராஜ்  சார் ராக்ஸ்டார் நடிப்பு. அருண்ராஜா காமராஜ் இயக்குநரே மாஸ் காட்டிவிட்டீர். தீபு ஆச்சரியகரமான இசை. சிவகார்த்திகேயன் படத்தின் டாப், படக்குழு அனைவருக்கும் வாழ்த்துக்கள்

பொன்ராம்:  உணர்வுபூர்வமான, உத்வேக மூட்டக்கூடிய படம் கனா. அருண்ராஜா காமராஜ் நன்றாக படத்தை எடுத்திருக்கிறார்.  கனா குழுவுக்கு என் வாழ்த்துக்கள். 

பாக்யராஜ் கண்ணன்: வாவ்! மிக அழகான உணர்ச்சிக் காவியம், இயக்குநர் அருண்ராஜா காமராஜ் சிறப்புக் கவன ஈர்ப்புக்கு உரியவர்.  நம்மை கட்டிப்போடும் தீபுவின் பின்னணி இசை, மிகப் பிரமாதமான கதை, அனைத்துக் குழுவுக்கும் பாராட்டுகள், தயாரிப்பாளர் மற்றும் பயிற்சியாளர் நெல்சன் திலிப்குமார், சிவகார்த்திகேயன் நமக்கு அகத்தூண்டுதலை ஏற்படுத்துகின்றனர், மெய்சிலிர்க்கிறது

கதிர்: இதயத்தைத் தொடும் உணர்ச்சிகளுடன் கனா நம்மைத் தூண்டும் ஒரு திரைப்படம். ஒவ்வொரு துளியையும் ரசித்தேன், நேசித்தேன், சகோதரா அருண்ராஜா காமராஜா மிகவும் சுவாரசியமாக்கியுள்ளீர்கள். ஐஸ்வர்யா ராஜேஷ் கதாபாத்திரத்துக்கு உயிரோட்டம் ஏற்றியுள்ளார். 

நெல்சன்: நிறைய உணர்வுடன் செய்யப்பட்ட ஓர் அழகான படம் கனா. பாரட்டத்தக்க கதை, வசனங்கள். முடிவில் அதிகமான உணர்ச்சிகள் அருமையாக உள்ளன. வெரி வெல்டன் அருண்ராஜா காமராஜ், சிவகார்த்திகேயனுக்கு தயாரிப்பாளராக வெற்றிகரமான தொடக்க, சினிமா, சமூகம் மீதான உங்கள் அக்கறை நன்றாக வெளிப்பட்டுள்ளது. 

ஜனனி:  கனா பார்க்க, ரசிக்க ஒரு ட்ரீட். கவுசல்யா முருகேசனை  நேரில் நிறுத்தியதற்கு பாராட்டுக்கள். உங்களை நினைத்தால் பெருமையாக இருக்கிறது ஐஸ்வர்யா ராஜேஷ். இத்தகைய தரமான படத்தை முழுதும் ஆதரித்ததற்காக சிவகார்த்திகேயனுக்கும் பிரமாதமான அறிமுக இயக்குநர் அருண்ராஜாகாமராஜுக்கும் என் வாழ்த்துக்கள்.

சதீஷ்:  கனா உலகக் கோப்பை இறுதிப் போட்டி போன்றது. தயாரிப்பாளராக சிவ கார்த்திகேயன் முதல் பந்திலேயே சிக்சர் அடித்துள்ளார். அருண்ராஜாகாமராஜ், ஐஸ்வர்யா ராஜேஷ், சத்யராஜ் சார் ஆகியோர் மிக அருமையான ஒரு மேட்சைக் கொடுத்துள்ளனர். அனைவரும் பிரமாதமாக நடித்துள்ளனர், தியேட்டரில் கண்டு ரசியுங்கள்.

வைபவ்: கனா ஒரு சிக்சர். ஐஸ்வர்யா ராஜேஷ் மிக அருமை. கேப்டன் மிகக் கூலாக செயல்பட்டுள்ளார். அருண்ராஜா காமராஜா மற்றும் தொழில்நுட்பக் கலைஞர்களுக்கு வாழ்த்துக்கள், இப்படிப்பட்ட படத்தை தயாரித்த சிவகார்த்திகேயனுக்கு ஹாட்ஸ் ஆஃப்.

நந்திதா தாஸ்:  கனா டீமுக்கு வாழ்த்துக்கள் ஒவ்வொரு துளியையும் ரசித்தேன், ஐஸ்வர்யா ராஜேஷ் என் பெருமை. இன்னும் நிறைய வாழ்த்துகளுக்கும் விருதுகளுக்கும் தயாராக இருங்கள், அருண்ராஜா காமராஜ் மற்றும் சிவகார்த்திகேயனுக்கு வாழ்த்துக்கள்