இவ்விழப்பிலிருந்து தமிழகம் மீள நெடுங்காலமாகும்: பிரசன்னா புகழாஞ்சலி

இவ்விழப்பிலிருந்து தமிழகம் மீள நெடுங்காலமாகும் என்று கருணாநிதிக்கு பிரசன்னா புகழாஞ்சலி செலுத்தியுள்ளார்.

இந்தியாவின் மிக மூத்த அரசியல் தலைவர்களில் ஒருவரும், முன்னாள் முதல்வரும், திமுக தலைவருமான கருணாநிதி உடல் நலக் குறைவால் இன்று காலமானார். அவருக்கு வயது 95. ஆகஸ்ட் 7-ம் தேதி மாலை 6.10 மணிக்கு கருணாநிதியின் உயிர் பிரிந்தது.

கருணாநிதியின் மறைவு குறித்து பிரசன்னா தனது ட்விட்டர் பக்கத்தில், “திராவிட இயக்கத்தின் தூண்! கோடானுகோடி தொண்டர்களின் அன்புத்தலைவர்! 50 ஆண்டுகளாய்  திமுகவைப்  பாதுகாத்த காவலர்! நவயுக சாணக்கியர்! தமிழன்பர்! அய்யா தலைவர் கலைஞரின் மறைவு ஆற்றொணா துயர் நமக்கு! ஈடு செய்ய இயலாத இவ்விழப்பிலிருந்து தமிழகம் மீள நெடுங்காலமாகும்” என்று பிரசன்னா தெரிவித்திருக்கிறார்.