தனுஷின் ‘ராயன்’ ட்ரெய்லர் செவ்வாய்க்கிழமை வெளியீடு

சென்னை: தனுஷ் இயக்கி நடித்துள்ள ‘ராயன்’ படத்தின் ட்ரெய்லர் செவ்வாய்க்கிழமை (ஜூலை 16) வெளியாகும் என அதிகாரபூர்வமாக அறிவிக்கப்பட்டுள்ளது.

தனுஷின் 50-வது படமாக உருவாகும் இப்படத்தை சன் பிக்சர்ஸ் நிறுவனம் தயாரித்துள்ளது. தனுஷ் இயக்கி நடிக்கும் இப்படத்தில், துஷாரா விஜயன், சந்தீப் கிஷன், காளிதாஸ் ஜெயராம், எஸ்.ஜே.சூர்யா, அபர்ணா பாலமுரளி ஆகியோர் நடித்துள்ளனர். படம் வட சென்னையை கதைக்களமாக கொண்டு உருவாகியுள்ளதாக தகவல் வெளியாகியுள்ளது.

கடந்த டிசம்பர் மாதம் இப்படத்தின் படப்பிடிப்பு நிறைவடைந்ததாக தனுஷ் தனது எக்ஸ் தள பக்கத்தில் தெரிவித்திருந்தார். ஏ.ஆர்.ரஹ்மான் இசையமைத்துள்ள இப்படத்தின் பாடல்கள் அண்மையில் வெளியாகி ரசிகர்களிடையே கவனம் பெற்றது.

இந்நிலையில், இப்படத்தின் ட்ரெய்லர் செவ்வாய்க்கிழமை வெளியாகும் என அறிவிக்கப்பட்டுள்ளது. படம் வரும் ஜூலை 26-ம் தேதி திரையரங்குகளில் வெளியாகிறது. இந்தப் படத்தைத் தொடர்ந்து தனுஷ் இயக்கத்தில் ‘நிலவுக்கு என் மேல் என்னடி கோபம்’ திரைக்கு வருவது குறிப்பிடத்தக்கது.

It's time for #Raayan's arrival! #RaayanTrailer from tomorrow! #Raayan in cinemas from July 26 @dhanushkraja @arrahman @iam_SJSuryah @selvaraghavan @kalidas700 @sundeepkishan @prakashraaj @officialdushara @Aparnabala2 @varusarath5 #Saravanan @omdop @editor_prasanna… pic.twitter.com/FRJgrocOMI

— Sun Pictures (@sunpictures) July 15, 2024