ஜிப்ஸி அப்டேட்: இசையமைப்பாளராக சந்தோஷ் நாராயணன் ஒப்பந்தம்

ராஜுமுருகன் இயக்கத்தில் ஜீவா நடிக்கவுள்ள 'ஜிப்ஸி' படத்தின் இசையமைப்பாளராக சந்தோஷ் நாராயணன் ஒப்பந்தம் செய்யப்பட்டு இருக்கிறார்.

ராஜுமுருகன் இயக்கத்தில் ஜீவா நடிக்கவுள்ள 'ஜிப்ஸி' படத்தின் முதற்கட்ட பணிகள் தீவிரமாக நடைபெற்று வருகின்றன. ஒலிம்பியா மூவிஸ் எஸ்.அம்பேத்குமார் தயாரிக்கவுள்ளார். தற்போது இப்படத்தின் இசையமைப்பாளராக சந்தோஷ் நாராயணன் ஒப்பந்தம் செய்யப்பட்டுள்ளார்.

விரைவில் இதர நடிகர் - நடிகைகள் மற்றும் தொழில்நுட்பக் கலைஞர்கள் முடிவு செய்து அறிவிக்கப்பட உள்ளனர். மார்ச் இறுதி அல்லது ஏப்ரல் முதல் வாரத்தில் படப்பிடிப்பு தொடங்க முடிவு செய்திருக்கிறது படக்குழு.

'ஜிப்ஸி' பணிகளை கவனித்துக் கொண்டே, பாலா இயக்கவுள்ள 'வர்மா' படத்திற்கும் வசனம் எழுதி வருகிறார் இயக்குநர் ராஜுமுருகன்.